Reseıdiń Týla oblysy Efremov qalasynyń soty mektepte soǵysqa qarsy sýret salǵan oqýshy Mashanyń ákesi Alekseı Moskalevti 2 jylǵa bas bostandyǵynan aıyrdy. Oǵan Qarýly Kúshterdi qaıta-qaıta «qaralady» degen aıyp taǵylǵan, dep habarlaıdy “Adyrna” ulttyq portaly.
Er adam ata-ana quqyǵynan aıyrylmaq. Al qyzdy balalar úıine jiberdi. Bul Reseı Federaııasynda keńestik kezeńnen bergi 37 jyl ishinde saıası sebeptermen balany jalǵyz basty ata-anadan alyp ketý oqıǵasy birinshi ret bolyp otyr.
2022 jyldyń sáýirinde sýret sabaǵynda Masha Moskaleva balany reseılik zymyrandardan qorǵaıtyn ýkraın jalaýy bar áıeldiń sýretin salǵan. Sýrette «Ýkraınaǵa dańq!» jáne «Soǵysqa jol joq» dep jazylǵan.
Qyzyn jalǵys tárbıelep otyrǵsn Alekseıdiń aıtýynsha, sýret pániniń muǵalimi qyzdy salǵan sýretine bola qorqytqan. Odan keıin polıııa kelip, barlyq balanyń málimetin jazyp alǵan. Alekseı mektepke kirerde, polıııa kútip alyp, aty-jónin suraǵan, biraq jalǵyzbasty áke basqa esimdi aıtyp, qutylyp ketken kórinedi.
“Qyzym: «Áke, polıııa meni ustap ala jazdady, men sýret saldym», - dep tynysy tarylyp, úıge júgirdi. Qyzym qorqyp ketken, men kelesi kúni mektepke kelip, ony sabaq bitkenshe kútemin dep ýáde berdim», - dep jazdy OVD-Info Alekseıdiń sózderin.
Kelesi kún Alekseı ýáde etkendeı, mektepke kelip, eki saǵattaı qyzyn kútip otyrǵan. Dırektor dálizge shyǵyp, ony kórgen boıda dereý polıııaǵa habarlasqan jáne Mashany sabaqtan shyǵaryp, ákesine qyzy salǵan sol sýretti kórsetken.
«Balany synyptan shyǵaryp, tutqyn sııaqty dálizge alyp shyqqany qandaı uıat! Olar maǵan: «Balaǵa ne úıretip jatqanyńdy qara! Ol ne salǵan?» dedi. Al men : «Soǵysqa, qantógiske qarsy, onyń nesi aıyp?» dedim. Olar hattama jasap, kýágerlerdi – muǵalimderdi shaqyrdy, qol qoıdy. Bizdi kólikke otyrǵyzyp, terrorısterdi jetelep bara jatqandaı alyp ketti. Biz polıııa bastyǵy Andreı Aksenovke keldik. Ol maǵan balany tárbıeleý týraly dáris oqydy”,- dedi Alekseı.
Alekseı Moskalev 1 naýryzda Odnoklassnıkı saıtynda Elenovkadaǵy Býcha turǵyndary men tutqynǵa alynǵan ýkraındyqtardyń óltirilýi týraly pikirleri úshin áskerdi qaıta-qaıta «qaralaý» týraly qylmystyq is boıynsha ustaldy. Istiń qozǵalýyna qandaı túsinikteme sebep bolǵanyn Tergeý komıteti qylmystyq is boıynsha óz baıandamasynda naqtylaǵan joq. 2 naýryzda Moskalevti úıqamaqta jiberdi.
Sodan keıin qamqorshylyq organdary Mashany kámeletke tolmaǵandarǵa arnalǵan ortalyqqa apardy. Sot Moskalevty úıqamaqqa shyǵarǵannan keıin de, qyzyn ortalyqtan shyǵarmaǵan.
Prokýratýra qarsańynda Moskalevke jalpy rejımdegi kolonııada 2 jyl óteýdi surady. Sot er adamnyń isin bir kún buryn qarap, úkimdi jarııalady. Sýdıa Anton Malıkov Moskalevti 2 jylǵa bas bostandyǵynan aıyrdy.
Mediazona agenttiginiń habarlaýynsha, Moskalev úkimdi jarııalaý úshin ákelinbegen. Onyń qaıda ekeni belgisiz. Sottyń baspasóz hatshysy Olga Dıachýk Moskalevtyń úkim jarııalanǵan qarsańda túnde úıqamaqtan qashyp ketkenin aıtty.
