"Arnaiy operasiialar elınde" ne bolyp jatyr?

6831
Adyrna.kz Telegram
https://adyrna.kz/content/uploads/2023/06/068b318d-159c-4007-a951-2091e41fbcef.jpeg

Reseide "Vagner" jeke äskeri kompaniiasynyŋ basşysy Evgenii Prigojin men Resei qorǧanys ministrı Sergei Şoigu arasyndaǧy qaqtyǧys aiasynda Reseidegı äskeri-saiasi jaǧdai kürt naşarlady, dep habarlaidy “Adyrna” ūlttyq portaly.

23 mausym künı keşke Prigojin Şoigudy Ukrainaǧa qarsy soǧys qimyldaryna qatysqan jeke äskeri kompaniianyŋ tylyna şabuyl jasady dep aiyptady. Prigojinnıŋ mälımdemesınen keiın federaldy qauıpsızdık qyzmetı qaruly töŋkerıs turaly qylmystyq ıs qozǧady. Reseidıŋ bırqatar oblystarynda qauıpsızdık şaralary küşeitıldı.

Evgenii Prigojin Reseidıŋ qorǧanys ministrlıgı "Vagner" äskerıne soqqy jasaǧanyn mälımdegen. Al VVS qyzmetınıŋ mälımetınşe Prigojin men qorǧanys ministrlıgı arasyndaǧy dau şegıne jetken. "Vagnerge" jasalǧan soqqydan keiın Prigojin "ädıldık marşyn" ötkızuge uäde berdı. Mūny köpşılıgı äskeri töŋkerıs dep baǧalady.

Alaida, Resei bilıgı soqqy jasalǧany turaly aqparattyŋ şyndyqqa janaspaitynyn mälımdedı. 

Resei federaldy qauıpsızdık qyzmetınıŋ tergeu basqarmasy 2023 jyldyŋ 23 mausymynda Evgenii Prigojinge qatysty qaruly töŋkerıs deregı boiynşa Qylmystyq kodekstıŋ 279-babymen ıs qozǧady. Onyŋ ıs-äreketıne laiyqty qūqyqtyq baǧa berıledı. Būl qylmys üşın 12 jyldan 20 jylǧa deiın bas bostandyǧynan aiyru jazasy qarastyrylǧan, – delıngen Reseidıŋ bas prokuraturasynyŋ mälımdemesınde. 

Odan bölek, federaldy qauıpsızdık qyzmet Prigojinnıŋ būiryǧyna baǧynyp, orys

halqyna qarsy qylmys jasamauǧa jäne qatelık boi aldyrmauǧa şaqyrdy.

Reseidıŋ qorǧanys ministrlıgı, ışkı ıster ministrlıgı men federaldy qyzmet Putinge täulık boiy qabyldanǧan şara boiynşa baiandap otyrady. Būl turaly Kremldıŋ resmi ökılı Dmitrii Peskov habarlady. 

BAQ mälımetınşe, Dondaǧy Rostov aimaǧynda brondalǧan tehnika baiqalǧan. Keiın köşedegı kameralar ısten şyǧypty. Al "Vkontakte" men Iаndeks Prigojinnıŋ mälımdemesın būǧattai bastaǧan. 

Aita keteiık, Reseilık jurnalist, Nobel syilyǧynyŋ iegerı  Dmitrii Muratovtyŋ oqiǧaǧa qatysty pıkırın jariialaǧan edık. Odan bölek, Qazaqstannyŋ Reseidegı elşılıgı Reseidıŋ Ukrainamen şekaralas aimaqtarynda oryn alǧan qauıpsızdık jaǧdailaryna bailanysty būl aimaqtarǧa barmauǧa keŋes berıp, mälımdeme jasady.

Prigojinnıŋ bülıgıne Resei prezidentı Vladimir Putin pıkır bıldırdı. Ol “Vagner” basşysyn satqyn dep aiyptap, bülıktı basuǧa būiryq berdı.

Būl ötken ǧasyrdyŋ basynda boldy: sodan keiın Azamat soǧysy boldy, orystar orystardy öltırdı. Būndai jaǧdaidyŋ qaitalanuyna jol bermeimız, halyqty ışkı satqyndyqtan saqtaimyz. Būl – satqyndyq. Şamadan tys ambisiialar satqyndyqqa äkeldı, - dedı Putin videoündeuınde.

Būl ündeuge Prigojin de ünsız qalmady. Ol Putinnıŋ qate taŋdau jasaǧanyn aityp,  taiauda jaŋa prezident keletının de habarlady.  
Pıkırler