Jırınovskıı: Jerdiń bizge tıesili ekenin, olardyń ýaqytsha turyp jatqanyn esterine salaıyq

6591

LDPR lıderi Vladımır Jırınovskıı Ýkraınanyń fýtbol formasynda Qyrymnyń beınelengenine qatysty jaýap berdi. 

"Ýkraına Qyrymdy myń jerden óziniki dese de, ol árıne olaı bolmaıdy. Qyrym júzdegen jyldar boıy Reseıdiń bólshegi bolǵan, ol pravoslavııanyń mekeni jáne baqytymyzǵa oraı sońǵy jeti jylda bizge qaıta oraldy. Al Kıevta bireý basqa áńgime aıtsa da, eshteńe ózgermeıdi. Men olarǵa formalaryn qyzyl túske boıap, oǵan oraq pen balǵany salýyna keńes berer edim, óıtkeni dál sol kommýnıster Ýkraınany quryp, Qyrymdy solarǵa berdi ǵoı.

Al jaýap retinde men Reseıdiń sporttyq formasyna Reseı ımperııasynyń kartasyn salýdy usynamyn, ol kartada Ýkraına tutastaı Reseıdiń quramynda bolǵan. 1917 jylǵa deıin bular jaı ǵana gýbernııa boldy ǵoı, mysaly  Chernıgovskaıa, Poltavskaıa, Harkovskaıa, Kıevskaıa, Volynskaıa, Podolskaıa degendeı. Tipti "Ýkraına" degen sózdiń ózi qoldanylǵan emes, al ýkraınsha, anyǵy orys-polıak sózderiniń aralasýynan paıda bolǵan tilde tek qana alystaǵy aýyl turǵyndary sóıleıtin!

Al bizdiń quramamyz shyǵatyn gımn retinde biz "Jaratýshym, Patshany saqta" uranyn alaıyq. Bul olarǵa jerdiń kimge tıesili ekenin, kim onda ýaqytsha turyp jatqanyn esterine salady", - dedi ol.

Jırınovskııdiń bul sózi Ýkraınada úlken daý týǵyzdy. Atyshýly reseılik saıasatker postkeńestik elderge qatysty túrli arandatý sózderin toqtatar emes.

"Adyrna" ulttyq portaly

Pikirler
Uqsas jańalyqtar