Halyqaralyq äielder künı men Ūlystyŋ ūly künı – Nauryz merekesıne orai Şymkent qalalyq A.Puşkin atyndaǧy ämbebap kıtaphanasynyŋ ūiymdastyruymen «Ūlttyq kiım — halyq qazynasy» atty ıs-şarasy öttı. Jiynda boijetkender men analarǧa ūlttyq naqyştaǧy zamanaui kiım ülgılerı därıpteldı.
Qazaq halqynyŋ qolönerı — el tarihymen qatar damyp, örkendep kele jatqan halyq qazynasy. Al, qolönerdıŋ aişyqty bölıgı — ūlttyq kiımder. Ūlttyq kiımderdıŋ tarihy, tıgılu tehnikasy öte erekşe.
— «Ūlttyq kiım — halyq qazynasy» ıs-şarasy arqyly qazaqtyŋ ūlttyq kiımderın öskeleŋ ūrpaqqa nasihattaudy maqsat etıp otyrmyz. Bügıngı jiyn «Nauryz Şymkentten bastalady» degen ūǧymnyŋ dälelı desem de bolady. Halyqaralyq äielder künı qarsaŋynda kıtaphanada arnaiy körkemsuret körmesı ūiymdastyrylsa, Ūlystyŋ ūly künıne orai ūlttyq kiımdı nasihattap otyrmyz. Ūlttyq kiımderdı därıptep, qūrmetpen qarau jäne ony kündelıktı kiiu — ärbır öskeleŋ ūrpaqtyŋ paryzy. Sebebı, ūlttyq kiım qazaq halqynyŋ tarihynan, ädet-ǧūrpy men salt-dästürınen, mädenietınen syr şertedı, - deidı A.Puşkin atyndaǧy ämbebap kıtaphana ädıskerı Rauşan Teŋlıbaeva.Jiynǧa QR Mädenietınıŋ qairatkerı, dramaturg S.Qasymbek, jeke käsıpker, «A.Gulmira collection» brendınıŋ negızın qalauşy G.Amanjolova, «Analar» jurnalynyŋ redaktory A.Mombek, Ä.Qasteev atyndaǧy öner jäne dizain kolledjı men №5 tehnikalyq kolledj oqytuşylary men studentterı qatysty. Jiyn barysynda «A.Gulmira collection» brendınıŋ ūlttyq kiımder toptamasy men atalmyş kolledj studentterınıŋ jūmysy körsetıldı.
