Şymkentte biznes ideiasyn naǧyz jobaǧa ainaldyrǧan käsıpkerlerdıŋ järmeŋkesı öttı

Bügın Şymkentte biznes ideiasyn naǧyz jobaǧa ainaldyrǧan käsıpkerlerdıŋ järmeŋkesı öttı. Körme ortalyǧyna jinalǧan 150-den asa käsıpker memleketten qaitarymsyz grant alyp, nätijelı jūmysynyŋ arqasynda öz önımderı arqyly elımızdıŋ ekonomikasynyŋ damuyna üles qosyp keledı. Qalalyq Jūmyspen qamtu jäne äleumettık qorǧau basqarmasynyŋ ūiytqy boluymen ötken järmeŋkege Şymkent qalasynyŋ äkımı Mūrat Äitenov qatysty. Şahar basşysy käsıp ielerınıŋ jūmysymen jıtı tanysyp şyqty. –Körmedegı tauarlardy jasauǧa käsıpkerlerdıŋ bar önerın, ynta-yqylasyn salǧany körınıp tūr. Memleket ūsynǧan granttardy konkurs arqyly jeŋıp alǧan qala tūrǧyndary öz biznesın bastap, ädemı, sapaly ärı naryqta sūranysqa ie tauarlardy öndırıp jatyr. Būl bır jaǧynan şymkentıkterdıŋ käsıpke beiım ärı eŋbekqor ekenın körsetse, ekınşı jaǧynan memlekettıŋ şaǧyn jäne orta bizneske körsetıp jatqan qoldauynyŋ naqty nätijesı, - Mūrat Düisenbekūly. Järmeŋkede taǧam önerkäsıbı, konditerlık önım, jihaz öndıru, qyzmet körsetu salalary boiynşa türlı äleumettık jobalar qoiyldy. Sondai-aq ıs-şaraǧa jinalǧan halyqqa arnaiy aqparattyq būryş jasaqtalyp, «Halyqty jūmyspen qamtu ortalyǧynyŋ» mamandary tegın käsıbi oqu, tūraqty jūmysqa ornalasu, subsidiialanatyn jūmys oryndaryna joldama alu boiynşa keluşılerge aqparat berdı. Aita keteiık, ötken jyly qalamyzda 1195 adam jaŋa biznes ideialardy jüzege asyruǧa qaitarymsyz granttardy jeŋıp alǧan. Al, 2392 adam tegın käsıbi oquǧa jıberılse, biylǧy jyly būl jūmystar jalǧasyn tauyp 2431 adam oquǧa joldanypty. Memleket tarapynan berıletın qoldau şaralary biyl da öz jalǧasyn tauyp, Şymkent qalasy boiynşa 447 adamǧa 400 AEK deiıngı mölşerde qaitarymsyz grant beru josparlanyp otyr.