Qaitarymsyz grant iegerlerı önımderın järmenkede ūsyndy

Bügın Şymkentte qaitarymsyz grant iegerlerınıŋ önımderı ūsynylǧan körme-järmeŋke öttı. Is-şaraǧa qala äkımı Mūrat Äitenov qatysyp, 150-ge juyq şaǧyn jäne orta biznes ökılderınıŋ jobalarymen tanysty. «Tauarlardy jasauǧa käsıpkerlerdıŋ bar önerın, ynta-yqylasyn salǧany körınıp tūr. Memleket ūsynǧan granttardy konkurs arqyly jeŋıp alǧan qala tūrǧyndary öz biznesın bastap, sapaly ärı naryqta sūranysqa ie tauarlardy öndırıp jatyr. Būl bır jaǧynan şymkentıkterdıŋ käsıpke beiım ärı eŋbekqor ekenın körsetse, ekınşı jaǧynan memlekettıŋ şaǧyn jäne orta bizneske körsetıp jatqan qoldauynyŋ naqty nätijesı» - dedı qala äkımı. Järmeŋkede konditerlık önımder, jihaz öndıru, qyzmet körsetu salalary boiynşa türlı äleumettık jobalar qoiyldy. Sondai-aq arnaiy aqparattyq būryş jasaqtalyp, «Halyqty jūmyspen qamtu ortalyǧynyŋ» mamandary keluşılerge tegın käsıbi oqu, tūraqty jūmysqa ornalasu, subsidiialanatyn jūmys oryndaryna joldama alu boiynşa keŋester berdı. Aita keteiık, ötken jyly qalamyzda 1 myŋnan astam adam jaŋa biznes ideialardy jüzege asyru üşın qaitarymsyz granttardy jeŋıp alǧan. Al, 2 myŋnan astam adam tegın käsıbi oquǧa jıberılgen. Memleket tarapynan berıletın qoldau şaralary biyl da öz jalǧasyn tabuda. Qala boiynşa 447 adamǧa 400 AEK deiıngı mölşerde qaitarymsyz grant beru josparlanyp otyr.