Qazaq qazaq bolǧaly otbasylyq qūndylyqtardy därıpteudı kün tärtıbınen tüsırgen emes. «Otan – otbasynan bastalady» degen tämsılge süiensek otbasy ırgelı memleket boludyŋ alǧyşarty retınde aldyŋǧy orynda jüredı.
Otbasy qūndylyqtaryn därıpteu ısı keşegı Keŋestık Sosialistık respublikalar odaǧy şaǧynda da qatardan qalys qalmaǧan. Sol kezderde pedagog Anton Makarenko aitqan «Sız ūlyŋyzdy nemese qyzyŋyzdy tek qana özıŋızdıŋ ata-analyq quanyşyŋyz üşın ǧana düniege äkelıp, tärbielep jatqan joqsyz. Sızdıŋ otbasyŋyzda jäne sızdıŋ basşylyǧyŋyzda bolaşaq azamat, bolaşaq qairatker jäne bolaşaq küresker ösıp keledı» däl osy söz älı künge deiın özektılıgın joiǧan joq. Qalai alyp qaraǧanda da otbasy barlyq bastamanyŋ bastau būlaǧyna ūqsaidy. Qazaqstanda talai jyldan berı «Mereilı otbasy», «Baqytty otbasy» syndy äleumettık, maŋyzǧa ie jobalar üzdıksız ıske asyrylyp keledı.
Arnaiy baiqaular ūiymdastyrylyp otbasylar jaqsy jaǧynan bır-bırımen synǧa tüsedı. Būl öskeleŋ ūrpaqty tärbieleude erekşe maŋyzǧa ie faktor. Öitkenı, osyndai ülgılı ısterdı körıp, tüisıgımen tüsınıp ösken jastar tolqyny qoǧamǧa jaŋa lep alyp keledı desek artyq emes.
Eŋ bastysy, būndai jobalarǧa memlekettık saiasat, onymen qoimai, memleket basşysynyŋ tıkelei özı qoldau körsetetını mereiımızdı tasytpasa, jasytpaityny aidan anyq.Ötken jyly ötken «Mereilı otbasy» otbasylyq baiqauynyŋ qarsaŋynda Qasym-Jomart Kemelūly arnaiy söz arnaǧany sol kezdegı ülgılı otbasylardan bastap bärınıŋ jüregıne jylylyq qūiǧan edı.
Sol jiynda «Mereilı otbasy» baiqauy jeŋıpazdaryn marapattau räsımıne qatysuşylarǧa şyn jürekten sälem joldaimyn! Būl otbasy institutynyŋ jäne otbasy qūndylyqtaryn därıpteuge, ūltymyzdyŋ äleuetın arttyruǧa orasan zor üles qosyp kele jatqan bıregei joba. Jyl saiyn ötkızıletın baiqau şaŋyraǧy şattyqa bölenıp, berekelı bırlık pen tatulyqqa ūiyǧan önegelı otbasylar küllı elge tanytady. Mūndai ülgılı äuletter elımızde az emes, öte köp. Halqymyz qai zamanda otbasy dästürın berık ūstanyp, qadırlei bılgen.
«Ülkenge qūrmet, kışıge ızet» bızdıŋ qanymyzǧa sıŋgen qasiet. Ärbır azamattyŋ adamgerşılık bolmysyn qalyptasuyna otbasyndaǧy ahual airyqşa äser etedı. Äke-şeşesınıŋ, ata-äjesınıŋ tärbiesın körıp, ülkenderden taǧylym alyp ösken bala eseigende otanşyl, bılımpaz, eŋbekqor azamatqa ainalady. Berekelı ärı baqytty otbasy quattyŋ eldıŋ tıregı. Sondyqtan memleket är şaŋyraqtyŋ äl-auqatyn arttyryp, är azamattyŋ ösıp örkendeuı üşın barlyq jaǧdaidy jasaidy. Baiqaudyŋ jeŋıpazdaryn qūttyqtaimyn! Barşaŋyzǧa zor densaulyq, baq bereke tıleimın, – dedı Memleket basşysy Qasym-Jomart Kemelūly.Rasymen de Prezidentımız atap ötkendei, «Ülkenge qūrmet körsetu, kışıge ızet bıldıru» bızdıŋ qanymyzǧa sıŋgen qasiet. Äke men şeşenıŋ, ata men äjenıŋ tärbiesın körıp, ülkenderden taǧylym alyp ösken bala eseigende otanşyl, bılımpaz, eŋbekqor azamatqa ainalsa onyŋ igılıgın özı ǧana emes qoǧam da körıp, jaqsy baǧytqa betbūrys bolar edı. Sondyqtan, aldaǧy uaqytta otbaslyq qūndylyqtardy därıpteuge arnalǧan memlekettık baǧdarlamalar köbeitılse nūr üstıne nūr bolar edı. «Otbasy qūndylyqtary jäne qoǧam» atty taqyryptyŋ jügı bır maqalamen jeŋıldemesı anyq. Äitse de, bızdıŋ maqsat tiıstı qūlaqqa jetkızu boldy.
