Memleket basşysynyŋ Jarlyǧymen Tamara Bosymbekqyzy Düisenova Qazaqstan Respublikasynyŋ Eŋbek jäne halyqty äleumettık qorǧau ministrı lauazymyna qaita taǧaiyndaldy, dep habarlaidy "Adyrna" ūlttyq portaly Aqordaǧa sılteme jasap.
Aita keterlıgı, Qazaqstanda zeinetke şyǧu jasyn tömendetuge qatysty bastamalar jiı köterılıp keledı. 15 nauryz künı ötken Senattyŋ jalpy otyrysynda būǧan qatysty "būrynǧy" jäne "qazırgı" Eŋbek jäne halyqty äleumettık qorǧau ministrı Tamara Düisenova tömendegıdei jauap qatqan edı.
"Nätijesınde, azamattarymyzdyŋ ömır süru ūzaqtyǧynyŋ jaqsaratyn bolsa, 2029 jyldan bastap bız būl mäselege qaita oralamyz, eger bärı osy deŋgeide qalsa nemese, kerısınşe, tömenırek bolsa, onda ärine, jas şekteuı mäselesı mındettı türde qaita qaralady".Ministr qazaqstandyqtardyŋ zeinetke şyǧu jasy ömır süru ūzaqtyǧy jäne olardy zeinetaqymen qamsyzdandyru deŋgeiı boiynşa qarastyrylatynyn mälımdegen bolatyn. Ministr zeinet jasynyŋ tömendeuıne qatysty naqty jauapty beruge asyqpai, būl mäselege 2029 jyly qaita oralatynyn habarlap, qysqa qaiyrǧan-tūǧyn.
"Nätijesınde, azamattarymyzdyŋ ömır süru ūzaqtyǧynyŋ jaqsaratyn bolsa, 2029 jyldan bastap bız būl mäselege qaita oralamyz, eger bärı osy deŋgeide qalsa nemese, kerısınşe, tömenırek bolsa, onda ärine, jas şekteuı mäselesı mındettı türde qaita qaralady", dep habarlaidy Tamara Düisenova.Oraiy kelgende aita keteiık, "būrynǧy" jäne "qazırgı" Eŋbek jäne halyqty äleumettık qorǧau ministrı Tamara Düisenova 1965 jyly 11 qaŋtarda Türkıstan oblysynda tuǧan. 1987 jyly Taşkent halyq şaruaşylyǧy institutyn bıtırdı, mamandyǧy – injener-ekonomist, ekonomika ǧylymdarynyŋ kandidaty. Eŋbek jolyn 1988 jyly institutty aiaqtaǧannan keiın Oŋtüstık Qazaqstan oblysy Saryaǧaş audanyndaǧy orta mekteptıŋ informatika pänınıŋ mūǧalımı qyzmetınen bastady. 1988-1992 jyldary Özbek SSR-nıŋ Memlekettık josparlau komitetınıŋ Ekonomika ǧylymi zertteu institutynyŋ ekonomisı bolyp jūmys ıstedı. Keiınnen Oŋtüstık Qazaqstan oblysy Saryaǧaş audany äkımınıŋ keŋesşısı, orynbasary qyzmetın atqardy. 1997-1999 jyldary – Şymkent qalasy äkımınıŋ bırınşı orynbasary; 1999-2002 jyldary – Oŋtüstık Qazaqstan oblysy äkımınıŋ orynbasary; 2002-2006 jyldary – Qazaqstan Respublikasy Eŋbek jäne halyqty äleumettık qorǧau ministrlıgınıŋ vise - ministrı; 2006 - 2008 jyldary - Oŋtüstık Qazaqstan oblysy äkımınıŋ orynbasary; 2008 – 2013 jyldary Qazaqstan Respublikasy Eŋbek jäne halyqty äleumettık qorǧau ministrlıgınıŋ jauapty hatşysy; Eŋbek jäne halyqty äleumettık qorǧau vise-ministrı (02.2013-06.2013); Eŋbek jäne halyqty äleumettık qorǧau ministrı (2013-2014); QR Densaulyq saqtau jäne äleumettık damu ministrı (2014-2017); Eŋbek jäne halyqty äleumettık qorǧau ministrı (2017-2018); «Nur Otan» pariiasynyŋ hatşysy (2018-2019). «Eŋbek resurstaryn damytu ortalyǧy» AQ jetekşısı (2019-2020). 2020 jyldyŋ mamyrynda Prezident kömekşısı-Prezident Äkımşılıgınıŋ Ötınışterdı qaraudy baqylau bölımınıŋ meŋgeruşısı bolyp taǧaiyndalǧan. «Qūrmet» ordenımen, «Qazaqstan Respublikasynyŋ täuelsızdıgıne 10 jyl» (2001), «Qazaqstan Konstitusiiasyna 10 jyl» (2005) medaldarymen marapattalǧan. Tamara Bosymbekqyzy Düisenova 2022 jyly 11 säuırden berı Eŋbek jäne halyqty äleumettık qorǧau ministrı qyzmetın atqaryp keldı.
"Adyrna" ūlttyq portaly
Ūqsas jaŋalyqtar
Tamara Düisenova
ministrler
Eŋbek jäne halyqty äleumettık qorǧau ministrı
Memleket basşysynyŋ Jarlyǧy
kadrlyq özgerıster
