"Qazaq handyǧy. Altyn taq" kinosy körermenge jol tartady

Qazaqfilm kinostudiiasynyŋ qorjyny taǧy bır tarihi filımmen tolyqty. Dälırek aitsaq, Iliias Esenberlinnıŋ «Köşpendıler» trilogiiasynyŋ ızımen «Qazaq handyǧy. Altyn taq» kinotuyndysyn äzırledı. «Qazaq handyǧynyŋ»   ızın ala şyǧarylǧan  būl filmnıŋ rejisserı Rüstem Äbdıraşev. Al prodiusserı – Arman Asenov. XV ǧasyrdaǧy tarihi oqiǧalardyŋ söz tızbegın (dialog) jasaǧan belgılı önertanuşy Erlan Töleutai.  Köp seriialy kinotuyndy Mädeniet jäne sport ministrlıgınıŋ tapsyrysy boiynşa tüsırılgen. Qoiuşy-rejisser Rüstem Äbdıraşevtıŋ aituynşa, būl jobanynyŋ jalǧasyn tüsıruge halyqtyŋ yqylasy türtkı bolǧan.

• «Qazaq handyǧy» seriialy halqymyzdyŋ tarihqa degen qyzyǧuşylyǧyn oiatty. Äleumettık jelılerden şyǧarmaşyl toptyŋ atyna alǧystaryn aitty. Pıkırtalas ta boldy, syn da aityldy. Men üşın mūndai jobany tüsıru – jauapkerşılık jükteidı, – deidı Rüstem Äbdıraşev

Qazaq handarynyŋ ışındegı airyqşa tūlǧalardyŋ bırı Jänıbek han ekendıgı belgılı. El qūrmetıne bölengen ony «Äz-Jänıbek» dep atauynyŋ özı bıraz jaidan habar berse kerek... Äz-Jänıbek hannyŋ beinesın Erkebūlan Daiyrov somdaidy. Akter öz keiıpkerı jönınde bıraz ızden. Aituynşa, är akter özı somdaǧan keiıpkerdıŋ atymen este qalǧanyn tıleidı. Äz-Jänıbek hannyŋ rölın somdau üşın barlyq qarym-qabıletımdı saldym deidı akter. Būrynǧy han-sūltandar men bi-şeşender sözdıŋ maiyn tamyzyp, şyraiyn kırgızıp, maqaldap-mäteldep, tūspaldap söilegen. Ärine, bärı bız oilaǧandai bola bermeidı. Keide qinalamyz. Äsırese, ömırınde bırınşı ret estıgen könergen sözderdıŋ mänın-maǧynasyn jas akterlar tüsınbeidı. Olardyŋ tüsınbegenı ekranda aiqyn körınıp qalady, kadrda sezılıp tūrady eken. Akterdıŋ közı aityp tūrady. Sodan keiın olarǧa şeberlık sabaǧyn ötkızıp: "Äi, şyraǧym, ol – mynandai söz ǧoi. Sen ony myna sebeppen, mynadai maǧynada aityp tūrsyŋ" dep tüsındırıp tūruǧa tura keledı, – deidı Erlan Töleutai. Eske tüsıre ketsek, Qazaq handyǧynyŋ 550 jyldyǧyna orai tüsırılgen «Almas qylyş» filmı jalpyūlttyq prokatqa şyǧyp, odan 72 mln teŋgeden astam qarjy jinaǧan. Al «Qazaq handyǧy» atauymen şyqqan 10 serialy kinotuyndy alǧaş ret «31-arnada» körsetılgen edı. Nauryz aiynda  «Qazaq handyǧy. Altyn taq» kinotuyndysynyŋ  tūsaukeserı ötetının habarlaimyz.

Jasūlan Nauryzälı,

"Adyrna ūlttyq" portaly.