32 jylda Qazaqstanǧa qanşa etnikalyq qazaq oraldy?

Biylǧy jyl basynan 4,5 myŋ astam etnikalyq qazaq qandas märtebesın aldy. Būl turaly "Adyrna" ūlttyq portaly Eŋbek jäne halyqty äleumettık qorǧau ministrlıgıne sılteme jasap habarlaidy. 2023 jylǧy 1 säuırdegı jaǧdai boiynşa 4 575 etnikalyq qazaq tarihi otanymen tabysyp, qandas märtebesın aldy. Jalpy 1991 jyldan berı respublikaǧa 1 million 111,1 myŋ etnikalyq qazaq oraldy. Jyl basynan Qazaqstanǧa kelgen qandastardyŋ teŋ jartysy (52,4%) – Özbekstannan, 19,3% – Qytaidan, 6,3% – Türıkmenstannan, 5,3% – Moŋǧoliiadan, 13% – Reseiden jäne 3,7% basqa elderden keldı. Olar negızınen Almaty (27,9%), Maŋǧystau (13,9%), Türkıstan (6,8%) jäne Jambyl (5%) oblystaryna, sondai-aq Almaty (9,0%), Astana (11%) jäne Şymkent (6,5%) qalalaryna qonystandy. Osy jyldyŋ 1 säuırındegı jaǧdai boiynşa eŋbekke qabılettı jastaǧy etnikalyq qonys audaruşylar sany – 69,1%, eŋbekke qabılettı jastan kışıler – 22,3% jäne zeinetkerler 8,6% qūraidy. Eŋbekke qabılettı jastaǧy qandastardyŋ ışınde bılım deŋgeiı boiynşa 18,5% - joǧary bılımdı, 39,9% - orta käsıbi bılımdı, 36,7% - jalpy orta bılımdı jäne 4,8% bılımı joq.