Qarjylyq sauattylyq deŋgeiın arttyrmai, auyl tūrǧyndarynyŋ äl-auqatyn jaqsartu mümkın emes. Sondyqtan «AMANAT» partiiasy HalykBank-pen bırge «Qaryzsyz qoǧam» jobasyn ıske qosty. Bügın tiıstı Memorandumǧa partiianyŋ atqaruşy hatşysy Elnūr Beisenbaev jänebanktıŋ basqarma töraǧasy Ümıt Şaiahmetova qol qoidy.
Elnūr Beisenbaev joba aiasynda nesie boiynşa bereşegı bar jäne boryşkerler tızımınde tūrǧan auyl tūrǧyndary, däl qazırgı uaqytta qaryzy bar jäne onyŋ merzımın ötkızıp alǧan azamattar, sondai-aq memleketten jeŋıldıkpen nesie aluǧa ümıtker ısın jaŋadan bastaǧan käsıpkerler oqudan öte alatynyn atap öttı.
«Bız auyldyŋ äl-auqatyn arttyru jäne agrarlyq sektordy qoldau memlekettıŋ strategiialyq basymdyǧynyŋ bırı ekenıne senımdımız. Bızdıŋ basty mındetımız – eldı azyq-tülıkpen qamtyp otyrǧan şarualarǧa jaǧymdy jaǧdai jasau. Ol üşın jeke qosalqy şaruaşylyqtar men şarua qojalyqtary nesiege qol jetkıze aluy tiıs. Däl osy rette, qarjylyq sauattylyq deŋgeiın sapaly arttyru mäselesı tuyndaidy. Būl joba qarjylyq alaiaqtyqty azaituǧa, şamadan tys qaryzdanyp qaludy boldyrmauǧa jäne auyl tūrǧyndarynyŋqarjylyq mädenietın jaqsartuǧa negızdelgen», – dedı Elnūr Beisenbaev.
«Halyk eldegı jetekşı bank retınde mūndai maŋyzdy bastamadan tys qala almaidy. Elımızde halyqtyŋ qarjylyq sauattylyq deŋgeiın arttyruǧa baǧyttalǧan qarjylyq bılım beru jüiesın qalyptastyru jūmysy bastalady. Būl äsırese şalǧai audandardyŋ tūrǧyndary üşın asa maŋyzdy. Bız tek jobany qarjylandyryp qana qoimai, oqytu baǧdarlamasyna täjıribelık bılım men keisterdı integrasiialaudy közdei otyryp, sarapşy retınde qatysuǧa daiyn ekenımızdı airyqşaatap ötkım keledı», – dep atap öttı Halyk Bank-tyŋBasqarma töraǧasy Ümıt Şaiahmetova.
Joba aiasynda auyldyq eldı mekenderdıŋ 80 myŋǧa juyq tūrǧynyn qamtu josparlanuda. Olardy 80 qarjy mamany oqytady.
Jobaǧa qatysuşylar öz qarajatyn tiımdı basqarudy jäne şyǧyndy oŋtailandyrudy üirenedıdep kütılude. Olar qarjyǧa qatysty mäseleler qalai paida bolatynyn, däl qazırgı uaqyttaǧy nesielıkqaryzdar sanyn azaitudyŋ qandai joldary baryn, alaiaqtyq äreketterdı qalai anyqtau qajet ekenın bıletın bolady. Al ısın jaŋadan bastaǧan käsıpkerlerkompaniia biudjetın qalyptastyru tärtıbıne, salyq esep-qisabyn ūsynuǧa jäne memlekettık qoldau baǧdarlamalarynyŋ qarjylandyru şartyna qatystyqūndy aqparat alady.
«Qaryzsyz qoǧam» jobasynyŋ alǧaşqy kezeŋınde elımızdıŋ 8 öŋırı qamtylady: Aqtöbe, Almaty, Türkıstan, Soltüstık Qazaqstan, Batys Qazaqstan, Jambyl, Atyrau jäne Maŋǧystau oblystary.
