Būl turaly Aqordada Memleket Basşysy Qasym-Jomart Toqaevpen şaǧyn qūramda kezdesu ötkızgen Äzerbaijan Prezidentı İlham Äliev aitty, dep habarlaidy "Adyrna" ūlttyq portaly.
«Qūrmettı Qasym-Jomart Kemelūly, eŋ aldymen, arnaiy şaqyrǧanyŋyzǧa jäne qonaqjailyǧyŋyzǧa alǧys aitamyn! Geidar Älievke körsetken qūrmetıŋız üşın bükıl Äzerbaijan halqynyŋ jäne jeke öz atymnan rizaşylyǧymdy bıldırgım keledı. Jalpy, bız barşa Qazaqstan halqynyŋ elımızge degen ystyq yqylasyn ärqaşan sezınıp kelemız. Äzerbaijanǧa resmi saparyŋyz barysynda osyndai tıleulestıktı Sız de baiqadyŋyz dep oilaimyn. Bızdıŋ resmi saparlar aiasynda jiı kezdesuımız osy qarym-qatynasymyzdyŋ sipatyn aŋǧartady jäne ūdaiy bailanysta bolu qajet ekenın körsetedı. Özıŋız aitqandai, bızdıŋ elderımızdıŋ bır-bırıne degen bauyrlastyq nietı şynaiy. Būl – ekıjaqty yntymaqtastyqty damytuǧa jaqsy negız. Yntymaqtastyq baǧyttaryna keletın bolsaq, olardy sanamalauǧa bıraz uaqyt ketedı. Öitkenı ol qoǧamnyŋ barlyq salasyn qamtidy. Ärine, qazırgı jaǧdaida sauda-ekonomikalyq jäne investisiialyq jobalar, sondai-aq kölık-logistikalyq infraqūrylymǧa qatysty jobalar basymdyqqa ie», - dedı İlham Äliev.
