Prezident Qasym-Jomart Toqaev Australian Open, İndian-Uells jäne Maiami turnirlerınde keremet öner körsetken Elena Rybakinany qūttyqtap, şeberlıgı men jeŋıske degen erık-jıgerı üşın rizaşylyǧyn bıldırdı. Būl turaly Aqorda jazdy, dep habarlaidy «Adyrna» tılşısı.
Memleket basşysy qazaqstandyq tennisşılerdıŋ jetıstıgı öskeleŋ ūrpaq arasynda osy sport türınıŋ tanymaldylyǧyn arttyruǧa septıgın tigızetının atap öttı.Elena Rybakina jeŋıs tūǧyrynan körıngen sätterınde qoldau bıldırgenı jäne jürekjardy qūttyqtaularyn joldaǧany üşın Prezidentke alǧys aitty. Daŋqty tennisşı aldaǧy uaqytta da bedeldı halyqaralyq jarystarda sättı öner körsetuge bar küş-jıgerın jūmsaitynyn jetkızdı. Qasym-Jomart Toqaev qazırgı taŋda elımızde 30 myŋnan asa adam tennispen şūǧyldanatynyna toqtaldy. Onyŋ 10 myŋnan astamy – 10 jasqa deiıngı balalar. Osy sport türıne būqaralyq sipat beru maqsatynda elımızdıŋ 17 aimaǧynda tennis korttary salyndy. Sondai-aq Baby tennis, «10 jasqa deiıngı tennis» sekıldı jobalar tabysty jüzege asyrylyp jatyr.
