13 säuırden bastap rejisser Daniiar Amangeldievtıŋ debiuttık körkem filmı - «SENBE» otbasylyq komediiasy prokatqa şyqty, dep habarlaidy “Adyrna” ūlttyq portaly.
Filmde ūsaq-tüiek aila-şarǧymen bai äielderdıŋ esebınen paida tapqan alaiaq turaly aitylady. Degenmen, film soŋynda ol ülken bailyqqa keneledı.
Aita keteiık, ideia avtory jäne rejisserı – tanymal klipterdıŋ rejisserı Daniiar Amangeldiev. Ol Moldanazar, V$XV Prince, Say Mo, Raim, Sadraddin jäne taǧy basqa önerpazdarǧa klip tüsırgen. 2022 jyly GAKKU telearnasynda «Tüimedaq» telehikaiasy na da rejisser retınde de öner körsettı.
«Alǧaşynda zamanaui Aldara-Köse jasau ideiasy boldy. Jazuşylarmen sinopsistı talqylai bastaǧanda, bız taǧy bırneşe rejisserdıŋ osyǧan ūqsas oqiǧany tüsıretının bıldık. Ekeuımen de söilestım, būl jobalar aiaq astynan jürıp jatyr eken. Eşkım eşkımge aralaspaidy. Bıraq ssenariimen jūmys ısteu barysynda bız bırınşı tūjyrymdamadan alşaqtap, alaiaqtardyŋ tūtas bır otbasysy paida boldy”,- deidı rejisser.
Jalǧan otbasynyŋ äkesı atanyp, basty röldı somdaǧan – Jandos Aibasov.
«Köpten berı basty rölderde oinamadym. Men akter retınde osy atmosferaǧa qaita kıruge müddelı boldym. İä, men jıgıtterdı qoldaǧym keldı. Men ärqaşan debiutanttarǧa qoldau körsetuge tyrysamyn. Röldı oinai almasam da, tym bolmasa nūsqap, keŋes beremın. Bızge jaŋa mamandar qajet, bızdıŋ industriia sony talap etedı, öitkenı Qazaqstanda kino öte jaqsy damyp keledı», -dedı Jandos Aibasov.
Kün saiyn myŋdaǧan qazaqstandyqtar türlı alaiaqtardyŋ qūrbanyna ainaluda. Būl ülken alaiaqtyq turaly qyzyqty film ǧana emes, sonymen qatar moraldyq oqiǧa.
Basty rölderde Qarlyǧaş Mūhamedjanova, Baqytjan Älpeiısov, Alma Saǧyndyq jäne Baqytjan Aqparovtyŋ (Baha Puper) oinady. Al kışıgırım, bıraq maŋyzdy rölderdı Erjan Jamanqūlov, Mädina Aqylbekova, Aqjol Serıkjanūly (Alfa) jäne Albert Titte somdady.
Aita ketu kerek, filmdı şyǧaruda rejisser muzykaǧa da basa nazar audarǧan. Öitkenı, saundtrekterdıŋ negızgı bölıgın belgılı reper DASHXX arnaiy jazǧan.
«Bız DASHXX-ten mūndai qoldau kütken joqpyz. Bastapqyda bız odan filmımızge bır trek jazuyn ötıngen edık. Bız oǧan filmdı montajdap jıberdık, treilerın körsettık, bıraz uaqyttan keiın ol bızge habarlasyp, bırneşe än jazyp, EP-albom jasaǧysy keletının aitty. Bız üşın būl tosyn-syi boldy», -deidı rejisser.
