Almaty oblysynda 600 adam dalada qaluy mümkın. Köközek auylyna qysymy joǧary gaz qūbyry tüsetındıkten, 137 üi sürılmek, dep habarlaidy «Adyrna» tılşısı Almaty.tv-ge sılteme jasap.
Şatyryn qūrap, şaŋyraǧyna ornalasyp alǧan jūrt quanyşynyŋ ūzaqqa barmaǧanyn aitady. «Qonys toiyn endı jasaimyz» degen olar körşılerımen tanysyp ta ülgermeptı. Jaŋadan köşıp kelgender būl jer telımınıŋ qyzyl syzyqqa engenın jaqynda bılgen. Al zaŋ boiynşa ondai aumaqqa qūrylys nysany tüspeuı kerek.
«Almaty-Baiserke-Talǧar gaz magistralınıŋ ekınşı tarmaǧy ötetındıkten bükıl üidı sürmekşı. Būl jerde mügedek otbasy, jalǧyzbasty analar, köpbalaly analar bar. Endı 137 üide 600-den asa tūrǧyn bar, bız qaida baramyz?» – dedı Köközek auylynyŋ tūrǧyny Janar Seiıtqojaeva.Al auyl äkımı tūrǧyndarǧa bır jyl būryn eskertu berılgenın alǧa tartyp otyr.
«Qarasai audany jer qatynastar bölımımen tender berıldı. Baǧalauşylar osy maŋaidaǧy tūrǧyn üidıŋ qūnyn anyqtaidy. Soǧan säikes şyǧyn öteledı. Al kelıspese, sot arqyly jüzege asyrylady. Kelısıp jatqan otbasy bar, olardyŋ sanyn qazır naqty aita almaimyn. Jūmys jürıp jatyr», – dedı Eltai auyldyq okurgınıŋ äkımı Bırjan Mahatov.Köpşılıktıŋ aituynşa, qyzyl syzyqqa üilerden bölek, mektep pen därı-därmek şyǧaratyn zauyt ta tüsıp tūr. Bıraq äkımdık ökılderı mekteptıŋ qauıptı aimaqtan alys jatqandyǧyn aityp otyr. Därı şyǧaratyn zauyttyŋ da tek qosalqy ǧimaraty sürılmek. Al alaŋdauly auyl adamdarynyŋ taǧdyry tenderge qarap tūr.
