23-25 aqpan aralyǵynda Jańaózende "qoǵamdyq tártipti buzdy" dep aıyptalǵan 16 adam jaýapqa tartylyp, 5-7 kúnge qamaýǵa alynǵan. Bul týraly Mańǵystaý oblystyq prokýratýrasyna silteme jasaǵan Azattyq radıosy habarlaıdy.
Prokýratýranyń málimdeýinshe, qamalǵandarǵa "qoǵamdyq oryndardy lastady, bylapyt sóıledi" degen aıyp taǵylǵan.
Prokýratýra Jańaózen qalasy ákimdiginiń janynda "áleýmettik, ulttyq, rýlyq, násildik, tektik-toptyq alaýyzdyqty qozdyrýǵa baǵyttalǵan sózder aıtqan" turǵynnyń ústinen qylmystyq is qozǵalyp, tergeý bastalǵanyn habarlady.
Oǵan Qylmystyq kodekstiń "Áleýmettik, ulttyq, rýlyq, násildik, tektik-toptyq alaýyzdyq qozdyrý" baby boıynsha aıyp taǵylǵan. Bul bap boıynsha, 2 jyldan 7 jylǵa deıin bas bostandyǵyn shekteý nemese bas bostandyǵynan aıyrý jazasy qarastyrylǵan.
Mańǵystaý oblystyq prokýratýrasy tártip buzǵandar tıisti zańnamamen jaýapqa tartylatynyn eskertti.
Sońǵy aptada Jańaózen qalasynda ondaǵan adam narazylyq bildirip, bılikten jalaqysy jaqsy jumys taýyp berýdi talap etken. Olarmen kezdesýge Mańǵystaý oblysy prokýrorynyń orynbasary Erjan Turmaǵambetov kelgen. 27 aqpanda Jańaózenge habar taratýǵa barǵan Azattyq tilshileri Sánııa Toıken men Sanat Nurbekovti polıııa ustaǵan.
