Almatynyŋ Türksıb audanyndaǧy bazardan basy tabylǧan äiel VİCh infeksiiasymen auyrǧan.
Būl turaly marqūm uaqytşa panalaǧan äleumettık beiımdeu ortalyǧynyŋ qyzmetkerı Yryskül Qūsaiynqyzy mälımdedı, dep jazady "Adyrna" ūlttyq portaly.
Eldıŋ esın ekeu, tüsın törteu qylǧan qylmys 12 säuırde bolǧan edı. Marqūmdy tanityn Türksıb audanyndaǧy düken satuşysy äieldıŋ bassyz denesın Şolohov köşesındegı saiabaqtan it tapqanyn aitady.
Dene tabylǧan jerde älı de ūiyǧan qannyŋ qaldyǧy bar. Al satuşy bas salynǧan pakette qan bolmaǧan deidı.
Zaŋger Nūrlan Baiǧazinnıŋ aituynşa, qandy qylmysty qasköi aldyn ala josparlauy mümkın.
«Ol ıs-äreketıne jauap beretın adam. Öitkenı türın körsetpedı, eŋkeiıp tūrdy. Bas kiımın tömen tüsırıp alǧan. Ol basty juuy kerek aparyp. Ol üşın su aǧatyn jerge ne üige aparu kerek degendei. Sonyŋ bärı qanşama uaqyt qoi. Basty kesu, juu, tazalau, paketke salu – bärın oilastyrǧan», - deidı ol.Aita keteiık, qasköidıŋ qolynan qaza tapqan äieldıŋ jasy 47-de. Tūrǧylyqty jerı joq, būryn esırtkı qylmysy üşın bırneşe ret sottalǧany aitylady. 27 jastaǧy bır qyzy bar. Marqūmdy tanityndar onyŋ küieuı de türmede otyrǧanyn, özı üisız, dala kezıp jüretının aitqan. Ol qaza tabarynan şamamen 4 ai būryn äleumettık beiımdeu ortalyǧyn panalaǧan. Būl mekemede 3 ai tūryp, qaita şyǧyp ketıptı.
