Jambyl oblysynda ötıp jatqan «ZHEIF-2023» halyqaralyq ekonomikalyq jäne investisiialyq forumy aiasynda önerkäsıp baǧyty boiyşa qonaqtar Şu audanyndaǧy «Taraz Himiialyq Parkı» arnaiy ekonomikalyq aimaǧynda bas qosyp, mūndaǧy investisiialyq jobalardy damytu boiynşa keŋes ötkızdı.
Oblys äkımınıŋ bırınşı orynbasary Nūrjan Kalenderovtıŋ töraǧalyǧymen ötken jiynda ekonomikalyq aimaqqa tırkelgen jobalardyŋ aiaq alysy turaly aitylyp, qyzyǧuşylyq bıldırgen şeteldık investorlarǧa aimaqtaǧy infraqūrylym barysy tanystyryldy.
Sonymen bırge, «Taraz Himiialyq parkı» AEA basqarma töraǧasy Qairat Mūqambetqaliev aldaǧy uaqytta jüzege asyrylatyn bırqatar jobalardy atap, olarǧa ekonomikalyq aimaq tarapynan körsetıletın jeŋıldıkterge toqtaldy.
Al, «QazIndastry» AQ biznestı yntalandyru direksiiasynyŋ basşysy Arystanbek Saǧiev öz baiandamasynda käsıp aşuǧa niettı investorlarǧa memleket tarapynan körsetıletın kömekterdıŋ jai-japsaryn tüsındırdı.
«Taraz himiialyq parkı» arnaiy ekonomikalyq aimaǧy zamanaui joǧary önımdı, bäsekege qabılettı öndırısterdı jedel damytu, qyzmet körsetudıŋ sapaly jaŋa deŋgeiın qalyptastyru, investisiialar tartu, ekonomikanyŋ basym salalary men öŋırlerge jaŋa tehnologiialardy engızu, sondai-aq halyqty jūmyspen qamtudy arttyru maqsatynda qūrylǧan.
Qazırgı taŋda mūnda jalpy qūny 249,7 milliard teŋgenı qūraityn 5 investisiialyq jobany ıske asyru üşın 5 qatysuşy tırkelgen. Olardyŋ qatarynda geosintetikalyq membranalar, natrii sianidı jäne ferrosilisii öndıru jobalary bar. Onda 2000 jaŋa jūmys orny qūrylady dep josparlanuda.
Öz kezegınde oblys äkımınıŋ bırınşı orynbasary Nūrjan Kalenderov «Taraz himiialyq parkı» AEA daiyn infraqūrylymy bar önerkäsıptık alaŋ ekenın, onda qatysuşylarǧa salyqtyq jäne kedendık jeŋıldıkter berıletının atap öttı. Sondai-aq, Vengriia men Päkıstan memleketterınen jäne elımızdıŋ özge de öŋırlerınen kelgen investorlarǧa ekonomikalyq aimaqtyŋ qolaily geografiialyq ornalasuy, qoŋyrjai klimaty jäne kölık-logistikalyq äleuetı qolaily ekenın jetkızdı.
- Bız arnaiy ekonomikalyq aimaq aumaǧynda öz jobasyn ıske asyrudy josparlaǧan kez kelgen investorlarǧa järdemdesuge daiynbyz. Qazırgı uaqytta aimaqta quattylyǧy 600 MVt jel elektr stansiiasyn salu jäne basqa da qatysuşylardyŋ jobalaryna tömendetılgen baǧa boiynşa energiia beru mındettemesın alǧan «Tas Market» JŞS jobasyn ıske asyru josparlanuda. Būl aimaqtyŋ investisiialyq äleuetın arttyruǧa yqpal etedı dep sanaimyn, - dedı N.Kalenderov.
