Tegeranda Qazaqstan premer-ministrı Älihan Smaiylov pen İran İslam Respublikasynyŋ prezidentı İbrahim Raisidıŋ kezdesuı öttı, dep habarlaidy “Adyrna” ūlttyq portaly.
Kezdesu barysynda Älihan Smaiylov Memleket basşysy Qasym-Jomart Toqaevtyŋ sälemın jetkızıp, Qazaqstan-İran qarym-qatynasyn damytu mäselesı elımızdıŋ kün tärtıbınde erekşe oryn alatynyn atap öttı.
"Qazır ekı eldıŋ ükımetterı joǧary deŋgeide alǧa qoiylǧan mındetterdı naqty jüzege asyru boiynşa belsendı jūmys jürgızıp jatyr. Biylǧy jyl ekıjaqty jäne köpjaqty formattaǧy yntymaqtastyǧymyzdyŋ joǧary nätijemen erekşelenetınıne senımdımın", — dedı premer-ministr.Atap aitqanda, biyl Tegeranda auyl şaruaşylyǧy boiynşa Qazaqstan-İran jūmys tobynyŋ bırınşı otyrysyn ötkızu josparlanǧan. Būl ekı el arasyndaǧy AÖK salasyndaǧy yntymaqtastyqty damytuǧa qosymşa serpın bermek. Sonymen qatar sauda baǧytyndaǧy jūmysty küşeitu maqsatynda Qazaqstannyŋ İrandaǧy arnaiy sauda ökılın taǧaiyndau turaly şeşım qabyldandy. Taraptar sauda-ekonomikalyq, investisiialyq jäne şekara maŋy yntymaqtastyǧyn damytudaǧy özektı mäselelerdı, sondai-aq mädeni-gumanitarlyq baǧyttaǧy ortaq bastamalardy jüzege asyru jaiyn talqylady. İran - iadrolyq baǧdarlamasyna orai batys sanksiiasyna ūşyraǧan el. Ädette, būl sanksiialar İrannyŋ köptegen eldermen bailanysyn damtyuǧa kedergı.
Ūqsas jaŋalyqtar
