Negızı jauapkerşılık degen jaqsy ūǧym bar. Memlekettık basqaruda būl öte qajettı ūǧym. Eskı bılım jäne ǧylym ministrı basşylyqqa kele sala mektepterde pänderdı aǧylşyn tılınde oqytamyz degen bastama kötergenı esımde.
Negızı aǧylşyn tılıne eşkım de qarsy emes edı. Bıraq, Astana men Almatyda ıske asuy mümkın bolsa da, Qazaqstannyŋ regiondarynda būl reformany tolyq ıske asyru üşın kemı 10-15 jyl uaqyt pen satylap jetu qajet degendı sol kezderı köp azamattar jazyp ta jatty. Aǧylşyn tılınde sabaq beretın mūǧalım men bazanyŋ joqtyǧy bärıne belgılı dünie. Onlain, odan qalsa, jazdyŋ künderı oflain oqytamyz, bärı zyŋ bolady dep aitqanynan qaitpady. Memlekettık blogerler, äleumettık jelıde belsendı jurnalister (onyŋ ışınde "Bolaşaq" tülekterı de bar) neşe türlı "keremet bastama" degen jazbalaryn üstı-üstıne būrqyratyp jatty. Ministrmen kezdesıp, kabinetınde selfiletıp bıraz dünieler jasady. Özderı aqyldy, "Äi, būlaryŋ asyǧystyq" degender aqymaq sekıldı bolyp körındı.
Keşe "Nūr Otannyŋ" jiynynda Elbasy būl bastamanyŋ asyǧystyq bolǧanyn, bärın uaqytymen asyqpai jasau kerektıgın, jan-jaqty saraptap daiyndyqpen kelu qajettıgın şegelep aitty. Elki-palki osyny tüsınu üşın 3 jyl uaqyt kerek boldy ǧoi😀 Qanşa mūǧalımnıŋ älegın şyǧaryp, jüikesıne tigen 3 jyl😀 Qanşama azamattyŋ paiymdy oi-pıkırlerı estılmegen 3 jyl. "Nūr Otannyŋ" jiynyn qarap otyrsam älgı "Davai da davai, erteŋ alǧylşyn tılı bola qalsyn" degenderdıŋ bırazy sol basqosuda jür😀 Ministr ornynan kettı. Bıraq, kezınde neşe türlı aqyldy post jazǧandar "Äi, kezınde sol jazǧandarymyz, eldı adastyrǧan bastamalarymyz qate bolypty. Asyǧystyq jasappyz" dep bır sūxbat ne maqala, äleumettık jelıde bır keşırım sūraǧan jazba da joq. Eşkım jauapty emes! Öttı kettı! Uaqytynda şulatty. Bügın ūmytty! Raxat qoi😀Älde aqşaǧa zakazben jazdy ma eken?..
