"Mysaly, aýyl sharýashylyǵynyń jalpy ónim kólemi 9%-ke ulǵaıyp, 9,3 trln teńge boldy. Ósýdiń negizgi faktory bolǵan ósimdik sharýashylyǵynda ónim óndirý kólemi 15%-ke artty. Jospardy iske asyrýmen birge, deldaldyq shemalardyń jolyn kesý, áleýmettik mańyzy bar azyq-túlik taýarlarynyń baǵasyna monıtorıng júrgizý jáne naryqtyq retteý sharalary belsendi túrde iske asyrylyp jatyr. Qabyldanǵan sharalar oń nátıje berdi. Ótken 2 apta ishinde negizgi azyq-túlik baǵalarynyń ósýi tirkelgen joq. Agroónerkásip salasynda birqatar jobalar boıynsha tıisti jumystar júrgizilýde. Atap aıtqanda, óndiristi odan ári ártaraptandyrý úshin 65 taýarly-sút fermasy iske qosylady", dedi Álıhan Smaıylov.
Sonymen qatar Úkimet basshysy azyq-túlik qaýipsizdigin qamtamasyz etý josparyn oryndaý boıynsha jumysty jalǵastyrý qajet ekenin aıtty. Ásirese, naryq qajettilikterin anyqtap, kókónis qoımalaryn jańartý, qysqa merzim ishinde sýbsıdııalaýdyń onlaın-platformasyn daıyndaýǵa mán berilmek.
Jáne de «Qazaqstan Temir Joly» kompanııasymen birlesip, maýsym aıynyń sońyna deıin áleýmettik mańyzy bar azyq-túlik taýarlarynyń qajetti ónimderin satyp alý, onyń ishinde kórshi elderden ákeleýdi qamtamasyz etý, Aýyl sharýashylyǵy mınıstrligi «Azyq-túlik korporaııasynyń» jumysyn naryqqa saı qaıta qurý baǵyttary da basty nazarda.
"Adyrna" ulttyq portaly
