Prosports.kz portaly Ūlttyq hokkei qūramasynda bolǧan Egor Petuhov, Anton Sagadeev jäne Aleksei Makliukovtıŋ Resei paidasy jolynda Qazaqstan azamattyǧynan bas tartqanyn jäne ūlttyq qūramadan şyǧatynyn jazdy. Būl oqiǧaǧa qatysty sport jurnalisı Aslan Qajenov pıkır bıldırdı, dep habarlaidy "Adyrna" ūlttyq portaly.
Saittyŋ habarlauynşa, Petuhov "Barys" qūramasymen qoş aitysady. Makliukov bolsa Magnitogorskıdegı "Metallurgke" auysady. Saǧadeev "Sochide" mansabyn jalǧastyrady.
Ūlttyq qūramaǧa "jūǧymsyz bolǧan" üştık Qazaqstan azamattyǧyn alsa da, Resei azamattyǧynan bas tartpaǧan. Olar aqyr soŋynda Qazaqstan qūramasyna qosylmauǧa şeşım qabyldady. Olardyŋ äreketı el qūramasynyŋ daiyndyǧy men babynda boluyna nūqsan keltırıp, şyǧynǧa batyrǧanyn aitqan sport jurnalisı Aslan Qajenov bylai dedı:
- Kök pasporttan bas tartyp jatyr... Otandyh hokkei äbden bylyqqa batty. Künı keşe ūlttyq qūramadaǧy üş bırdei sportşy Qazaqstan azamattyǧynan bas tartty. Ol - Aleksei Makliukov. Ol - Egor Petuhov. Ol - Anton Sagadeev. Tızım ary qarai da ūlǧaia tüsuı mümkın.Eŋ coraqysy - būlar kezınde Reseiden aldyrǧan legionerler. Iаǧni, asty-üstıne tüsıp, barlyq jaǧdaiyn jasap, ūlttyq qūramaǧa qostyq. Al, odan saiyn aşyndyratyny - Qazaqstan azamatttyǧyn alyp tūryp, Resei azamattyǧynan bas tartpaǧan. Iаǧni, qolynda 2 pasporty boldy. Būndaiǧa bızde zaŋ boiynşa rūqsat joq. Al, otandyq hokkeidıŋ bas-qasyndaǧylar zaŋdy "ūrǧany" bar.Qysqasy, üşeuı Reseige kettı. Bır aidan keiın älem chempionaty ötedı. Iаǧni, osylarǧa qyruar qarjy şaşyp, azamattyq alyp berıp, endı, mıne, sol ümıttı aqtaidy degen kezde tabanyn jaltyratyp tūr...Ashat Oralov, şūǧyl türde myna jaǧdaiǧa aralasyp, män-jaiyn bılıŋız! Otandyq hokkei nege ırıp jatyr? Olarǧa bölıngen milliardttar qaida? Konkretnyi audit kerek. Ana sportşylarmen kelısım qaida? Qūjattardy tekseru kerek. Nege olar Qazaqstandy «prohodnoi dvor» qylyp jıberdı? Nora kelıp bır laqtyrady, Anton kelıp bır laqtyrady. Qazaq halqy sonşalyq aŋǧal ma?!
Sonymen qatar, jurnalist el qarjysyn jelge şaşqan şeteldık legionerlerdı aldyrtudyŋ oryndy-orynsyz ekenıne küman keltıredı..
- Qazır ūlttyq qūramada jürgen basqa da şeteldıkterdı de bır jaqty qylu kerek. Bızge Kanada men Resei oiynşylary kerek pe? Özımızdıŋ balalardy nege qatarǧa qospaimyz? Meilı jeŋılsın. Bıraq, olar kök pasporttan bas tarta almaidy. Sondyqtan, soŋyna deiın oinaidy. Namysqa tyrysady. Qazaq balalaryn köbırek qossaq, tıpten, kädımgıdei serpılıs bolar edı. Äreket qylaiyq... - dedı Qajenov.
"Adyrna" ūlttyq portaly
resei
sport
hokkei
sport ministrı
Jaŋa Qazaqstan
qazaq elı
barys
ūlttyq hokkei federasiiasy
Egor Petuhov
Anton Sagadeev
Aleksei Makliukov
