Memleket basshysy Reseıdiń Qazaqstandaǵy elshisi Alekseı Borodavkındi qabyldady, dep habarlaıdy «Adyrna» ulttyq portaly.
Kezdesý barysynda Qazaqstan Prezıdenti memleketaralyq baılanystardyń barlyq baǵyty boıynsha eki el arasynda turaqty dıalog qalyptasqanyn atap ótti.
Qasym-Jomart Toqaevtyń aıtýynsha, Reseı Prezıdenti Vladımır Pýtınniń jýyrda Astanaǵa jasaǵan resmı sapary kezinde qol jetkizilgen ýaǵdalastyqtar tatý kórshilik qatynastardy jan-jaqty nyǵaıtýǵa baǵyttalǵan ózara umtylysty taǵy da rastady.
Sonymen qatar kezdesýde Qazaqstan men Reseı arasyndaǵy strategııalyq seriktestiktiń ózekti máseleleri jáne damý perspektıvalary qarastyryldy.
Esterińizge sala keteıik, ótken jyly jeltoqsan aıynda Reseıdiń Qazaqstandaǵy elshisi Alekseı Borodavkın reseılik basylymdardyń birine bergen suhbatynda Qazaqstandaǵy radıkaldy ultshyldar men rýsofobııa týraly aıtyp, Reseıdiń olarmen kúreske «kómek berýge daıyn» ekenin málimdegen bolatyn. Artynsha Májilis tóraǵasy Erlan Qoshanov jýrnalısterge Borodavkınniń bergen suhbatyna qatysty pikirin bildirgen bolatyn.
«Elshiniń suhbatynyń keı tustary onyń mártebesine saı kelmeıdi ári paıda ákelmeıdi dep oılaımyn. Borodavkın myrza óte tájirıbeli dıplomat, ol úgit-nasıhatshylar men saıasattanýshylardyń jeteginde ketpeýi kerek», - degen edi Erlan Qoshanov.
Osy oqıǵaǵa baılanysty Qazaqstan Syrtqy ister mınıstrliginiń resmı ókili Aıbek Smadııarov ta túsinikteme berip, Reseı elshisiniń mınıstrlikkt shaqyrtylyp, áńgime ótkizilgenin jáne onyń "keshirimi qabyldanǵanyn" aıtqan.
Alekseı Borodavkın 2018 jyly Reseıdiń Qazaqstandaǵy elshisi qyzmetine taǵaıyndalǵan edi. Ol Qazaqstanda uzaq issaparda bolǵan dıplomattyń biri.
Qazaqstanǵa kelgenge deıin ol mynandaı qyzmetter atqarǵan.
1999 jyldan 2002 jylǵa deıin – TMD Tórtinshi departamentiniń dırektory;
2002-2004 jyldary – Reseıdiń Slovakııadaǵy Elshisi;
2008 jyldan 2011 jylǵa deıin – Reseı Syrtqy ister mınıstriniń orynbasary;
2011-2018 jyldary - Jenevadaǵy, Shveıarııadaǵy BUU keńsesi jáne basqa da halyqaralyq uıymdar janyndaǵy Reseıdiń turaqty ókili, sondaı-aq BUU-nyń qarýsyzdaný jónindegi konferenııasyndaǵy Reseıdiń turaqty ókili jáne BUU Adam quqyqtary jónindegi keńesindegi Reseı delegaııasynyń basshysy.
«Adyrna» ulttyq portaly
