Pavlodar qalasynyń № 2 soty ulttyq alaýyzdyqty qozdyrý jáne ulttyq ar-namys pen qadir-qasıetti qorlaý faktisi boıynsha qylmystyq isti qarady. Bul jóninde sottyń baspasóz qyzmeti málimdedi, dep habarlaıdy “Adyrna” ulttyq portaly.
Bıylǵy jyldyń 1 qańtarynda masań kúıde bolǵan azamat "WhatsApp" messendjeriniń jalpy tobyna mazmunynda ulttyq alaýyzdyqty qozdyrýǵa jáne qazaq ulty ókilderiniń ar-namysy pen qadir-qasıetin qorlaýǵa baǵyttalǵan 3 daýystyq habarlama joldaǵan.
Sottalýshynyń kinási kýálardyń aıǵaqtarymen, qujattyq dáleldemelermen jáne saraptamalyq qorytyndylarmen dáleldengeni aıtylady.
Sot málimetine súıensek, ulttyq alaýyzdyqty qozdyrý jáne ulttyq ar-namys pen qadir-qasıetti qorlaǵany úshin (QK 174-babynyń 1-bóligi) zańmen negizgi jaza retinde eń joǵary merzim 7 jylǵa deıin bas bostandyǵynan aıyrý kózdelgen.
“Jasalǵan quqyq buzýshylyqtyń aýyrlyǵyn, kinásin tolyq moıyndaýyn jáne shyn júrekten ókinýin, asyraýynda eki jas balanyń bolýyn eskere otyryp, sot 4 jyl bas bostandyǵynan aıyrý jazasyn taǵaıyndady”, – delingen aqparatta.
Úkim zańdy kúshine engen joq.
