Memleket basşysy Qasym-Jomart Toqaev Otan qorǧauşylar künımen qūttyqtady, dep habarlaidy «Adyrna» tılşısı.
«Qadırlı qazaqstandyqtar! Sızderdı Otan qorǧauşy künımen şyn jürekten qūttyqtaimyn! Būl – tek äskeri qyzmetşıler üşın ǧana emes, barşamyzǧa ortaq qasterlı mereke. Elın qorǧau – ärbır azamattyŋ perzenttık paryzy. Tuǧan jerge degen şeksız süiıspenşılıktıŋ jarqyn körınısı»,—dedı ol.Prezident otandyq armiianyŋ kez kelgen jaǧdaida memleketımızdı qorǧauǧa daiyn boluy kerektıgın atap öttı.
«Memleketımızdıŋ qorǧanys qabıletın arttyru – negızgı strategiialyq maqsatymyzdyŋ bırı. Qazaqstan armiiasy kez kelgen jaǧdaida memleketımızdı qorǧauǧa daiyn boluy kerek. Qaruly Küşterımız elımızdıŋ egemendıgı men tūtastyǧynyŋ jäne halqymyzdyŋ myzǧymas bırlıgı men jarqyn bolaşaǧynyŋ kepılı bolyp qala beredı. Bügınde jauyngerlerımız batyr babalarymyzdyŋ daŋqty jolyn jalǧastyryp, el tynyştyǧyn qyraǧylyqpen küzetıp tūr. Olardyŋ qauıpsızdıktı qamtamasyz etu jolyndaǧy qaltqysyz qyzmetı – öskeleŋ ūrpaqqa ärdaiym ülgı-önege. Özderıne jüktelgen mındettı mınsız atqaryp, antyna adaldyq tanytyp jürgen barlyq sarbazdarǧa şynaiy rizaşylyǧymdy bıldıremın. Armiiamyzdyŋ aibyny asqaqtai bersın! Elımızdıŋ ırgesı ärdaiym berık bolsyn! Äskeri qyzmetşılerge, ardagerlerge jäne barşa otandastarymyzǧa zor densaulyq, qajymas qairat pen baq-bereke tıleimın!»—dep tüiındedı Toqaev.
