"Astana" oıynshylary fýtboldan Qazaqstannyń Sýperkýbogyn utyp aldy.
Almatynyń Ortalyq stadıonynda jankúıerler "El-klassıko" degen atqa ıe bolǵan "Qaırat" pen "Astana" arasyndaǵy tartysqa kýá boldy. Qazaqstan Premer Lıgasynyń ashylýy aldynda ótetin Sýperkýbok dodasyn fýtbol súıer qaýym asyǵa kútken. Ásirese, almatylyq jankúıerler. Bıyl "Qaırat" fýtbol klýbyna 65 jyl. Ataýly merekege oraı súıikti komandalary keremet syı jasaıdy dep kútken bolatyn. Kóktemniń jańbyrly sýyq kúnine qaramaı stadıonǵa jınalǵan almatylyqtardyń kóńilin "elordalyq" Jýnıor Kabananga matchtyń 7-shi mınýtynda sý sepkendeı basty.
Shynyn aıtý kerek búgin "Astananyń" qaı pozıııasy bolsyn "Qaırattyq" oıynshylardan bir bas joǵary boldy. Dopqa da kóp ıelik etti, qaýipti sátterdi de kóp uıymdastyrdy.
66-shy mınýtqa deıin "Qaırat" esepti áne-mine teńestirip qalar degen jankúıerler úmitin Kabananga birjolata úzdi. Roman Murtazaev úsh oıynshyny aldap ótti de, Jýnıorǵa pas bere qoıdy. Dopty toqtatqan kongolyq asyqpaı qaqpaǵa qarap aldy da, bos turǵan buryshty dál kózdedi.
Oıynnyń sońynda júıkesi syr bergen "almatylyq" shabýylshy Eseola alańnan qýylyp tyndy. "Astana" Sýperkýbok ıegeri atandy.
"Adyrna" ulttyq portaly
