Qytai Sairagül Sauytbaidy qaitarudy sūrap otyrǧan joq - Bas prokuratura

Qytai Halyq Respulikasynyŋ ökılderı etnikalyq qazaq Sairagül Sauytbaidy qaitaru üşın resmi sūranys jıbergen emes. Būl turaly Bas prokuratura Tengrinews.kz resmi saualyna bergen jauabynda aitylady. "Qytai Halyq Respublikasynyŋ qūzyrly organdary Sauytbaidy beru turaly Qazaqstan Respublikasynyŋ Bas  prokuraturasyna resmi türde qaitaru sūranysyn jıbergen emes", - dedı QR BP ökılderı. Vedomstvonyŋ mälımetınşe, 2018 jyldyŋ 25 şıldesınen bastap Sairagül Sauytbai Qazaqstan aumaǧynda saiasi baspana ızdeuşı adam märtebesıne ie. 4 qazanda Almaty oblystyq polisiia departamentınıŋ köşı-qon qyzmetı komissiiasy bosqyn märtebesın beruden bas tartty. Äiel şeşımge şaǧymdanyp, sotqa jügındı. Is Taldyqorǧan sotynyŋ öndırısınde. "Sauytbai ötınıştı qanaǧattandyrudan bas tartqan jaǧdaida şeşım şyǧarylǧan künnen bastap bır ai ışınde azamattyq ıs jürgızu kodeksınıŋ 403 jäne 404-baptarynda közdelgen tärtıppen apelliasiialyq şaǧym beruge qūqyly. Apelliasiialyq satydaǧy sottyŋ qaulysyna küşıne engen künnen bastap (jariia etılgen künnen bastap) alty ai ışınde AIJK-nıŋ 441-babynyŋ talaptary saqtala otyryp, Joǧarǧy sotqa şaǧym jasaluy mümkın. "Bosqyndar turaly" Zaŋnyŋ 8-baby 1-bölıgı 6-tarmaǧyna säikes pana ızdegen adamnyŋ bosqyn märtebesın beru turaly ötınışhat boiynşa şeşım qabyldanǧanǧa deiın, şaǧymdanu merzımın qosa alǧanda, Qazaqstan Respublikasynda boluǧa qūqyǧy bar. Soŋǧy şeşım qabyldanǧanǧa deiın Sairagül Sauytbai Qazaqstan Respublikasynyŋ aumaǧynda pana ızdegen adam märtebesınde boluǧa qūqyly", - dedı Bas prokuratura ökılderı. Sauytbai 2018 jyldyŋ mamyr aiynyŋ ortasynda otbasymen körısu üşın Qytai şekarasynan öttı. Būryn onyŋ küieuı men ekı balasy Qazaqstanǧa qonys audaryp, osy eldıŋ azamattyǧyn alǧan. Alaida, äiel otbasyna qosyla almady. Onyŋ aituynşa, Qytaida ol biudjettık ūiymda jūmys ıstegen, sondyqtan Qytai bilıgı onyŋ tuystarymen bırıguıne kedergı jasady. 2018 jyly 1 tamyzda Jarkent qalasynda Qytaidan kelgen etnikalyq qazaq Sairagül Sauytbai ısı boiynşa şeşım qabyldandy. Ol Qazaqstannyŋ memlekettık şekarasyn zaŋsyz kesıp ötkenıne kınälı dep tanylǧan edı. Sairagül Sauytbai alty aiǧa şartty türde bas bostandyǧynan aiyryldy. Sot oǧan Qazaqstannan şyǧaryp jıberu türındegı jaza taǧaiyndamaudy şeştı. Sairagül Sauytbaidy sot zalynan bosatty.