"Balalaryŋdy oila! Tynyş jür!" Qyzylordalyq ana qysym körgenın aitady

3358
Adyrna.kz Telegram
https://adyrna.kz/content/uploads/2019/03/ana.jpg
"TALAP AITQAN SOŊ QYSYMǦA TAP BOLDYM" Qyzylorda qalasynyŋ tūrǧyny Meruert Äitımova ötken aida bilıkten järdemaqyny köbeitudı, baspana mäselesın şeşudı jäne köp balaly otbasylarǧa jeŋıldıkter berudı talap etken analar narazylyǧyna qatysqan. Öz aituynşa, qala jäne oblys äkımderımen kezdesude alǧaşqylardyŋ bırı bolyp söilegen ol äleumettık jaǧdaiy tömen tūrǧyndardyŋ auyr tūrmysyn aityp, mäselenı basşylarǧa jetkızuge tyrysqan. Köp ūzamai oǧan telefon şalǧan belgısız bıreuler "tynyştaluǧa" jäne mäselesın şeneunıkterge jeke tärtıp boiynşa jolyǧyp şeşuge keŋes bergen. Meruert Äitımova aqpannyŋ 27-sı künı Qyzylorda qalasy äkımı Nūrlybek Nälıbaevtyŋ qabyldauynan şyǧyp, oblys äkımı Qyrymbek Köşerbaevtyŋ qabyldauyna barǧan kezde ony azamattyq kiımdegı bırneşe adam kölıkke salyp äketkenın aitady. Meruerttıŋ sözınşe, polisiia bölımşesınde oǧan qala äkımı Nūrlybek Nalybaev pen oblys äkımı Qyrymbek Köşerbaevtyŋ aldynda söilegen sözınıŋ videosyn jäne ekı balasynyŋ suretın körsetken. Odan WhatsApp messendjerındegı analar chatyn jabudy talap etken. Odan WhatsApp messendjerındegı analar chatyn jabudy talap etken. - "Bız saǧan eskerttık. Nege tynyş jürmeisıŋ? Eger analyq qūqyǧyŋnan aiyrylyp, qamalǧyŋ kelmese chatty jauyp, tynyş qana ömır sür" degen polisiiada maǧan Aiagöz esımdı jas äiel. Men eşkımdı köterılıske şaqyrmaǧanymdy, tek köp balaly jäne jalǧyzılıktı analardyŋ talap-tılekterın jetkızgenımdı aittym, - deidı Meruert.
"Bızge şyrşa, olimpiada qajet emes, järdemaqy kerek"
OQİ OTYRYŊYZ

Aimaqtaǧy analar da bilıkke talappen keldı

Ol WhatsApp messendjerınde "Qyzylorda analary" chatyn aşqanyn jasyrmaidy. Onda analar problemalarymen bölısıp, ūsynystaryn ortaǧa salǧan. Chatta zaŋǧa qarsy eşqandai ıs-äreket bolǧan joq dep sendıredı Meruert Äitımova. Ol polisiiadaǧy "äŋgıme" kezınde polisiia kiımındegı äiel ony ekı ret betınen ūrǧanyn, ol ekınşı ret qol jūmsaǧan kezde üsteldıŋ şetıne qūlap, aiaǧy auyr ekenın aityp auyrsyna aiǧailap jıbergenın aityp berdı. Būdan soŋ oǧan su äkelıp berıp, tynyştandyruǧa tyrysqan bilık ökılderı Äitımovamen ūzaq söilesıp, "şi şyǧarmai" tynyş jürgenı özıne jaqsy bolatynyn tüsındırgen.
Qyzylorda qalasynyŋ tūrǧyny Meruert Äitımova. 5 nauryz 2019 jyl.
Qyzylorda qalasynyŋ tūrǧyny Meruert Äitımova. 5 nauryz 2019 jyl.
Meruert Äitımova özın polisiiada bes saǧattan artyq ūstaǧanyn, telefony men syrt kiımın alyp qalyp, suyq bölmede otyrǧyzǧanyn aitady. Bır saǧattan keiın kelemın dep ekı balasyn tastap ketken kelınşektıŋ ūzaq uaqyt joǧalǧanyna alaŋdaǧan körşısı Meruerttıŋ jaqyndaryna telefon şalyp, habarlaǧan. Polisiiada otyrǧan Meruerttı būrynǧy küieuı men tuystary tünge qarai alyp şyqqan. "MŪNDAI FAKTI JOQ" Meruert Äitımova aqpannyŋ 27-ınde basynan qandai jaǧdai ötkenı turaly bırneşe kün boiy eşkımge aitpaǧan. Ol sodan berı özıne bırneşe ret telefon soqqan belgısız bıreuler messendjerdegı chatty jauyp, belsendılıgın doǧaruǧa şaqyrǧanyn jäne "ükımetpen oinamaudy" eskertkenın aitady. Nauryzdyŋ 4-ı künı Meruert Äitımova Almaty qalasyndaǧy belsendı Qūral Medeuovke habarlasyp, bolǧan jaitty baiandaǧan. Medeuov qyzylordalyq tūrǧynnan estıgenın sol künı Facebook äleumettık jelısındegı paraǧynda jariialaǧan. Bilık ökılderı būl belsendınıŋ postyna jauap qatty. Nauryzdyŋ 5-ı künı Qyzylorda qalasynda BAQ ökılderı üşın ūiymdastyrylǧan jiynda Qūral Medeuovtyŋ äleumettık jelıdegı jazbasyn sözbe söz oqyǧan Qyzylorda oblystyq polisiia departamentınıŋ bastyǧy Qairat Mūhitov belsendı taratqan aqparat şyndyqqa sai emes dep mälımdedı. - Bız tekserdık. Mūndai derek eş jerde oryn almaǧan. Ne oblys äkımdıgınde, ne basqa jerde mūndai faktı joq. Polisiia departamentı taŋerteŋ barlyq bölımşelerdıŋ jetekşılerın jinap, tekserdı. Mūndai faktı joq, - dedı Mūhitov aimaqtyq kommunikasiia qyzmetındegı jiynda. Polisiia departamentınıŋ bastyǧy Qazaqstanda "köpe-körneu jalǧan aqparat taratqany" üşın qylmystyq jauapkerşılıkke tartylatynyn eskerttı. Azattyq tılşısı söilesken almatylyq belsendı Qūral Medeuov Qyzylorda tūrǧynynan telefon arqyly estıgenın jūrtqa jetkızudı jön sanaǧanyn aitady.
Almatylyq belsendı Qūral Medeuov.
Almatylyq belsendı Qūral Medeuov.
- Qylmystyq ıs qozǧaidy dep şyndyqty jasyryp qala almaimyz ǧoi. Keşe tünde ol kelınşek maǧan habarlasyp, özın polisiia bölımıne qamaǧanyn, telefondy esık aldynda alyp qalyp, paltosyna deiın şeşıp, jeleŋ köilekpenen bırneşe saǧat salqyn jerde ūstaǧanyn aityp berdı. Ol jaiynda bükıl jazbany telefonyma jazyp aldym. Sondyqtan endı mūny eldıŋ nazaryna ūsynudy jön kördım. Mūnyŋ nesı qylmys? – deidı Qūral Medeuov. Qyzylorda oblysy äkımdıgı Qūral Medeuovtyŋ Facebook äleumettık jelısındegı jazbasyna bailanysty tekseru jürıp jatqanyn, onyŋ nätijesı keiınırek habarlanatynyn aitty. Nauryzdyŋ 5-ı künı Qyzylorda qalasynda ötken brifingıde oblys äkımınıŋ orynbasary Serık Şotaev äkımdık esıgı ärkımge, solardyŋ arasynda baspana, järdemaqy mäselelerı jaily ötınışpen keluşılerge de ärdaiym aşyq ekenın aitty. Äkımdıkke kelgen barlyq aryz-ötınışter qaralyp, ökılettı organdarǧa joldanatyn bolady dep mälımdedı şeneunık.

"Azattyq radiosy"

Pıkırler