Qazaqstandyq mänerlep syrǧanauşy Universiada-2019" jarysynda kümıs jüldeger atandy . Krasnoiarsk qalasynda ötıp jatqan qysqy Universiada oiyndarynda Qazaqstan qorjyny taǧy bır medalmen tolyqty.
Elizabet Tūrsynbaeva mänerlep syrǧanaudan kümıs jülde jeŋıp aldy dep habarlaidy QR ŪOK resmi saity. Qysqa baǧdarlamadan soŋ jerlesımız törtınşı orynǧa taban tıregen. Erkın baǧdarlamany eş qatesız oryndaǧan ol jalpy esepte ekınşı orynǧa köterıldı.
Tūrsynbaeva özınıŋ ekı rekordyn jaŋartty. Erkın baǧdarlamadan alǧaş ret 147.20 ūpai ielense, qossaiys qorytyndysy boiynşa 214.77 ūpaiǧa qol jetkızdı. Altyn jüldenı japondyq Mai Mihara (220.68), qolany reseilık Stanislava Konstantinova (205.91) jeŋıp aldy. Taǧy bır qazaqstandyq sportşy Aiza Mambekova 124.41 ūpaimen 17-şı oryndy qanaǧat tūtty.
Basqa materialdar
Adyrna.kz ūlttyq portalynyŋ maŋyzdy aqparattaryna jazylu
Soŋǧy jaŋalyqtar turaly habardar bolyŋyz