Jambyl oblysynda Merki, Shý, Talas aýdandarynda aýdanaralyq kópbeıindi ortalyq aýrýhanalar ashylady. Qajetti mamandarmen jáne tıisti ınfraqurylymmen qamtylatyn medıınalyq nysandar arqyly shuǵyl jáne orta tehnologııalyq medıınalyq kómek alý qashyqtyqtary aıtarlyqtaı qysqaratyn bolady.
Bul týraly Jambyl oblysynyń ákimi Nurjan Nurjigitovtiń tóraǵalyǵymen ótken keńeste aıtyldy. Basqosýda densaýlyq saqtaý salasynda atqarylyp jatqan jumystar saralandy.
Oblystyq densaýlyq saqtaý basqarmasynyń basshysy Janar Ospanovanyń aıtýynsha, qazirgi tańda óńirde 389 densaýlyq saqtaý nysany qyzmet kórsetýde.
- 2022 jyly 8,6 mıllıard teńgege 26 densaýlyq saqtaý nysanynyń qurylysy júrgizilip, onyń 20 paıdalanýǵa berildi. Sonymen qatar, 474,7 mıllıon teńgege 8 nysanǵa kúrdeli jóndeý jumystary júrgizildi.
Al aǵymdaǵy jyly oblysta salanyń ınfraqurylymyn jaqsarý maqsatynda 2,8 mıllıard teńgege 19 joba bastalyp, onyń 17-si tapsyrylady dep kútilýde.
Osy jyldyń II-toqsanynda quny 14,1 mıllıard teńgeni quraıtyn 200 tósektik oblystyq onkologııalyq dıspanserdi paıdalanýǵa berý kózdelgen. Sondaı-aq, ótken jyldan ótpeli 5 nysan jobalary bıyl aıaqtalady,-dedi Janar Ospanova.
«Aýyldyq densaýlyq saqtaýdy jańǵyrtý» ulttyq jobasy aıasynda 2023-2024 jyldar aralyǵynda oblysta 5,2 mlrd. teńgege 30 nysannyń qurylysyn júrgizý josparlanǵan.
Sonymen qatar, joba sheńberinde 3 aýdanda aýdanaralyq kópbeıindi ortalyq aýrýhanalar qurý boıynsha qaıta jańǵyrtý jumystary kózdelýde.
Joba barlyq aýyldardy tıisti medıınalyq ınfraqurylymmen qamtamasyz etýge jáne halyqty sapaly qyzmetpen qamtýǵa múmkindik beredi.
Nátıjesinde, shuǵyl jáne orta tehnologııalyq medıınalyq kómek alý qashyqtyǵy 500-den 200 shaqyrymǵa deıin qysqarady. Densaýlyq saqtaý uıymdarynyń tozý deńgeıi 36,7 paıyzǵa deıin tómendeıdi dep josparlanýda.
Jıynda saladaǵy kadr tapshylyǵyn sheshý maqsatynda oblystyń grantymen jalpy medıına mamandyǵy boıynsha 42 bilimger bilim alyp jatqandyǵy aıtyldy.
Sońǵy 3 jylda jergilikti bıýdjet esebinen 9,1 mlrd. teńgege medıınalyq qural-jabdyqtar jáne medıınalyq maqsattaǵy buıymdar alyndy. Oǵan qosymsha, qarjy lızıngi sharttarymen oblystyq jedel járdem stansasy 12 dana sanıtarııalyq avtokólikpen tolyqty. Nátıjesinde, osy jyldyń 3 aıynda medıınalyq qural-jabdyqtarmen qamtamasyz etý oblys boıynsha 90,8 paıyzdy qurap, 3,8 paıyzǵa ósti.
Budan bólek basqosýda biryńǵaı áleýmettik-medıınalyq saqtandyrý boıynsha atqarylyp jatqan jumystardyń esebi tyńdaldy.
Oblys ákimi osy turǵyda halyq arasynda túsindirý sharalaryn kúsheıtý jáne bul baǵyttaǵy aýyl ákimdikteriniń jumysynyń mańyzdylyǵyn atap ótti. Saqtandyrylǵandardyń sanyn eseleı otyryp, medıınalyq qyzmettiń sapasyn da arttyrý kerektigine basymdyq berdi.
Aımaq basshysy densaýlyq saqtaý salasyndaǵy kadr tapshylyǵyn joıý, mamandardy oqytý, barlyq eldi mekenderdi alǵashqy medıınalyq kómek kórsetetin nysandarmen qamtý, qyzmet sapasyn arttyrý sekildi máseleler boıynsha jaýaptylarǵa naqty mindetter júktedi.
"Adyrna" ulttyq portaly
