«2023 jyly 47 (2022 jyly 26) qurylys obektilerine jospardan tys tekserý jumystary júrgizilip, 79 (2022 jyly 36) ákimshilik is qozǵalyp, 22 770 030 teńgege (2022 jyly 8 879 664 teńgege) ákimshilik aıyppul salyndy.» Osylaı dep, Jambyl oblysy ákimdiginiń memlekettik sáýlet- qurylys baqylaý basqarmasynyń basshysy Bısembaev Qaırat Ashıralyuly Óńirlik kommýnıkaııalar qyzmetinde BAQ ókilderimen ótken brıfıngte aıtty.
«Basqarmamen Jýaly aýdany Qaırat aýylyndaǵy 149 oryndyq mádenıet úıiniń qurylysyna tekserý júrgizilip, nysanynyń bas merdigeri «ErK Astana» JShS-ne ákimshilik is qozǵalyp, sot sheshimimen (1 380 000 teńge ákimshilik aıyppul salynyp), lıenzııasynan aıyrdy (sot sheshimi zańdy kúshine endi). Sonymen qatar, 4 tehnıkalyq qadaǵalaýshynyń (A.Bozjıgıtov («DACO Injınırıng» JShS), N.Kanseıtovtiń («NeoGeoStroıproekt» JShS), B.Isabaev («ZKA Proekt» JShS) jáne Ú.Jaqsybaı («ZKA Proekt» JShS)) attestattary 6 aı merzimge toqtatyldy.
Jalpy tekserýdiń 4 túri bar:
Tekserýdiń birinshi túri josparly tekserý. Ol 2015 jyldan bastap toqtaǵan. Ekinshi túri jospardan tys tekserý. Bul kelip túsken aryz-shaǵymdar, memlekettik organdardyń hattary men prokýratýra organdarynyń usynystary negizinde júrgiziletin tekserý. Túsken materaldarda adamnyń ómirine, qorshaǵan ortaǵa zııan keltirýdiń naqty faktileri bolýy qajet. Tekserýdiń úshinshi túri Baqylaýdyń ózge de nysany. Ol 2018 jyldyń 24 mamyrynan toqtatylǵan. Tekserýdiń tórtinshi túri «Ruqsattar jáne habarlamalar týraly» Qazaqstan Respýblıkasynyń Zańyna sáıkes, berilgen ruqsattar boıynsha biliktilik nemese ruqsat berý talaptaryna, jiberilgen habarlamalar boıynsha talaptarǵa sáıkestigine júrgiziletin tekserý. Tekserýdiń bul túri Kásipkerlik kodeksinde 2023 jyldyń 1 qańtarynda bolǵan ózgeristerge sáıkes engizilgen tekserýdiń jańa túri. Tekserý táýekelderdi baǵalaý ólshemsharttary negizinde qalyptastyrylatyn grafıkke sáıkes júrgiziledi.Basqarma óz quzireti sheginde tek baqylaý júrgizip qana qoımaı, qurylys jumystaryndaǵy kemshilikterdiń aldyn alý maqsatynda profılaktıkalyq jumystardy da qarqyndy iske asyrýda,- deıdi basqarma basshysy.
Sondaı-aq Qaırat Bısembaev búgingi kúnde oblysta qurylys jumystarynyń qarqyny óskenin de atap ótti. Oblys aýmaǵynda qurylysy júrgizilip jatqan 370 nysannyń (2022 j. — 603, o.i. 291 memlekettik bıýdjet esebinen, 312 jeke qarajat esebinen), 259-y memlekettik bıýdjet esebinen (224 – ótpeli; 35 – jańa), al qalǵan 111-i jeke qarajat esebinen eken.
"Adyrna" ulttyq portaly
