Denı saudyŋ jany sau

Bügıngı taŋda öŋırımızde Memleket basşysynyŋ tapsyrmalaryn oryndau maqsatynda atalǧan jäne basqa da jarqyn jobalar şeŋberınde tiıstı jūmystar atqaryluda. Oblys äkımdıgı densaulyq saqtau basqarmasynyŋ basşysy Janar Ospanovanyŋ aituynşa, statistika departamentınıŋ soŋǧy derekterıne säikes oblys boiynşa 1 219 437 tūrǧynǧa 389 densaulyq saqtau nysany qyzmet körsetedı. Sondai-aq, oblysta 369 eldı meken bolsa, 284-ı jedel järdemmen qamtylǧan. Al 88-ı jedel medisinalyq kömekpen qamtylmaǧan. – Oblys boiynşa barlyǧy 11 jyljymaly medisinalyq keşen bar. Biyl barlyǧy 265 eldı mekendı qamtu josparlansa, jyl basynan bergı 3 aida 72-sı qamtyldy. Sondai-aq, 2023 jyly 96 239 tūrǧyndy medisinalyq tekserumen qamtu josparlanyp, 3 aida 29 309 tūrǧyn qamtyldy. 7 273 diagnostikalyq zertteu, 1 434 zerthanalyq tekseru, 40 540 beiındı mamandardyŋ konsultasiiasy körsetıldı. Tūrǧyndardy qarau barysynda 1 697 nauqas anyqtaldy, – degen Janar Myqtybekqyzy salada qūrylys jūmystary da qarqyn alǧanyn aitty. Mäselen, ötken jyly 8,6 milliard teŋgege 26 densaulyq saqtau nysanynyŋ qūrylysy jürgızılıp, 20-sy paidalanuǧa berılgen. Sonymen qatar, 474,7 million teŋgege 8 nysan kürdelı jöndeuden ötken. Al biyl öŋırde salanyŋ infraqūrylymyn jaqsartu maqsatynda 2,8 milliard teŋgege 19 joba bastalǧan. Jyl soŋyna deiın 17-sı paidalanuǧa berıledı. – Qosymşa «Auyl – el besıgı» jobasy şeŋberınde Qordai audanynda Masanşy auyldyq auruhanasynyŋ emhanasyna qosymşa qūrylys saluǧa jäne Sortöbe auylyndaǧy auyldyq auruhana aumaǧynda bır auysymda 200 adam qabyldaityn emhana salu jobasyna qarajat qaraldy. «Auyldyq densaulyq saqtaudy jaŋǧyrtu» ūlttyq jobasy aiasynda 2023-2024 jyldar aralyǧynda öŋırde 5,2 milliard teŋgege 30 nysannyŋ qūrylysyn jürgızu josparlanǧan. Sonymen qatar joba şeŋberınde 3 audanda (Merkı, Şu, Talas audandarynda) audanaralyq köpbeiındı ortalyq auruhanalar qūru üşın qaita jaŋǧyrtu jūmystaryn jürgızu közdelude. Jalpy joba barlyq auyldardy tiıstı medisinalyq infraqūrylymmen jäne halyqty sapaly qyzmetpen qamtuǧa mümkındık beredı. Şūǧyl jäne orta tehnologiialyq medisinalyq kömek alu qaşyqtyǧy 500-den 200 şaqyrymǧa deiın qysqarady. Nätijesınde densaulyq saqtau ūiymdarynyŋ tozu deŋgeiı 38,8 paiyzdan 36,7 paiyzǧa deiın tömendeidı. Būdan bölek 1,4 milliard teŋgege 10 nysannyŋ kürdelı jöndeu jūmystary jüzege asyryldy. Jalpy sipattaǧy transferttermen 1486,7 million teŋge bekıtılıp, osy qarjy şeŋberınde 9 nysandy kürdelı jöndeuden ötkızu josparlanuda. Mūnyŋ barlyǧy saladaǧy körsetkışterdıŋ oŋ dinamikasyn qalyptastyruǧa septıgın tigızedı, – deidı Janar Ospanova. Basqarma basşysynyŋ sözıne süiensek, densaulyq saqtau nysandarynyŋ materialdyq-tehnikalyq bazasyn jabdyqtauǧa da airyqşa nazar audarylǧan. Soŋǧy 3 jylda jergılıktı biudjet esebınen 9,1 milliard teŋgege materialdyq-tehnikalyq bazany nyǧaituǧa medisinalyq qūral-jabdyqtar jäne medisinalyq maqsattaǧy būiymdar alynypty. Respublikalyq biudjet qarajaty esebınen 1 syzyqtyq üdetkış satyp alynǧan. Oǧan qosymşa qarjy lizingı şarttarymen 12 dana sanitariialyq avtokölık oblystyq jedel järdem stansasyna tabystalǧan. Nätijesınde 2023 jyldyŋ 3 aiynda medisinalyq qūral-jabdyqtarmen qamtamasyz etu oblys boiynşa 90,8 paiyzdy qūrap, 3,8 paiyzǧa ösken. Al 2023 jyldyŋ bırınşı toqsanynyŋ qorytyndysymen «Denı sau ūlt» ärbır azamat üşın sapaly jäne qoljetımdı densaulyq saqtau» ūlttyq jobasy körsetkışterınıŋ 3 maqsatty indikatory men 10 nysanaly körsetkışınıŋ bıreuıne qol jetkızılmegen. 2023 jyldyŋ tört aiynyŋ qorytyndysymen 3 ana ölımı tırkelıp, oblystyq körsetkış 36,8-dı qūrap otyr eken. Sondai-aq, oblystyŋ 2022- 2024 jyldarǧa arnalǧan halyqtyŋ densaulyq jaǧdaiyn jaqsartu boiynşa Qazaqstan Respublikasynyŋ Densaulyq saqtau ministrı men oblys äkımı arasynda jasalǧan memorandum körsetkışterınıŋ bıreuıne qol jetkızılmegen. Aldaǧy uaqytta maqsatty indikatorlar men nysanaly körsetkışterdı tolyq oryndau üşın keşendı jūmys atqarylmaq. Osy oraida kadr mäselesıne toqtalmai ketuge bolmaidy. Medisina salasyndaǧy qany şyǧyp tūrǧan tüiındı mäselenıŋ bırı – maman tapşylyǧy. Bügınde sala basşylyǧy tüitkıldı mäselenıŋ tüiının tarqatuǧa ūmtylyp-aq jatyr. Oblysymyzda qazırgı taŋda 341 bastapqy medisinalyq-sanitariialyq kömek jäne 36 auruhanalyq nysanda 15 783 medisinalyq qyzmetker qyzmet atqaruda. 2022 jyldyŋ qorytyndysymen 120 maman tapşy bolsa, bügınde öŋırdegı densaulyq saqtau mekemelerıne 80 därıger jetıspeidı. – Maman tapşylyǧyn şeşu maqsatynda oblystyŋ grantymen jalpy medisina mamandyǧy boiynşa 42 student oqidy. Biyl joǧary oqu ornyn bıtırgen 16 därıger jūmysqa kırıstı. Qosymşa 63 därıger rezidenturada oqidy. Respublikalyq biudjet esebınen 46 rezident, medisinalyq ūiym esebınen 5 maman rezidenturada oqytyluda. Soŋǧy 3 jylda 415 jas maman keldı. Jas mamandardy tūraqtandyru maqsatynda jergılıktı biudjet esebınen 800 myŋ teŋge kötermeaqy bölu, respublikalyq biudjet esebınen 1 500 AEK kölemınde biudjettık kredit bölu, 100 AEK kölemınde köterme järdemaqy beru jäne kommunaldyq qyzmetterge arnalǧan şyǧyndardy öteu sekıldı äleumettık qoldau şaralary körsetılude, – deidı J.Ospanova.