Memleket basşysy Qasym-Jomart Toqaev Abu Dabi Ämırlıgın bileuşı äulettıŋ ökılı, şeih Surur ben Mūhammed Äl Nahaianmen kezdestı, dep habarlaidy «Adyrna» tılşısı Aqordaǧa sılteme jasap.
– Biyl jyl basynda Ämırlıkterge jasaǧan saparymdy jäne el basşylyǧymen ötkızgen kezdesulerımdı jyly sezımmen eske alamyn. Qol jetkızılgen uaǧdalastyqtar ekı el halyqtarynyŋ igılıgı üşın qyzmet etıp jatqanyn erekşe atam ötemın. Arab Ämırlıkterı – bız üşın islam älemındegı senımdı ärı basty strategiialyq serıktes. Täuelsızdıktıŋ alǧaşqy jyldarynan bastap qoldau körsetıp kele jatqan bauyrlas el. Mūny qazaq halqy eşqaşan ūmytpaidy. Ämırlıkterdıŋ el körkeiuıne qosqan ülesın dostyq pen tyǧyz yntymaqtastyqtyŋ jarqyn beinesı dep qabyldaimyz. Mümkındıktı paidalanyp, Arab Ämırlıkterınıŋ basşylyǧyna alǧysymdy bıldıremın jäne Prezident şeih Mūhammed ben Zaid Äl Nahaianǧa ystyq yqylasqa toly sälemımdı joldaimyn, – dedı Qasym-Jomart Toqaev.Öz kezegınde şeih Surur ben Mūhammed Äl Nahaian qūrmet körsetkenı üşın Qasym-Jomartqa Toqaevqa alǧys aitty jäne Qazaqstan men BAÄ qatynastary qarqyndy damyp kele jatqanyna nazar audardy.
– Sızdıŋ qaŋtar aiynda BAÄ-ge jasaǧan resmi saparyŋyz dostas ekı el arasyndaǧy yntymaqtastyqty nyǧaitu tūrǧysynan tabysty boldy. Elıŋızben aradaǧy qarym-qatynasymyzdyŋ tarihy tereŋde. Bügınde halyqaralyq jäne aimaqtyq jaǧdailarǧa qaramastan, köptegen salada yntymaqtastyǧymyz nyǧaiyp keledı. Bırlesken investisiialyq jobalarymyzdy jüzege asyruǧa barynşa qolaily jaǧdai jasaǧanyŋyz üşın Sızge jäne Qazaqstan ükımetıne rizaşalyǧymyzdy bıldıremız, – dedı şeih Surur ben Mūhammed Äl Nahaian.Kezdesu barysynda ekı eldıŋ sauda-ekonomika, investisiia salalaryndaǧy yntymaqtastyqty odan ärı nyǧaitu mäselelerı qarastyryldy.
