Äleumettık jelıde mektepke baryp qaitu üşın künıne 9 şaqyrym jaiau jüretın oquşylardyŋ janaiqaiyn jetkızgen jasöspırımnıŋ videosy qyzu talqylanyp jatyr, dep habarlaidy «Adyrna» tılşısı.
Beinejazba osydan 8 jyl būryn Jambyl oblysy Jualy audanynda tüsırılgen.
2014 jyly Küreŋbel auylynyŋ orta mektebınde oqityn oquşylardy tasymaldaityn avtobus audandyq bılım bölımınıŋ şeşımımen qatynas toqtaǧan. Sonyŋ saldarynan balalar men ūstazdardıŋ mektepke baruy qiyndaǧan. Būl mäselenı auyl halqy bei-jai qaldyrmai, tasymaldy qaita jandandyrudy talap etu üşın jurnalisterdı şaqyryp, sūqbat bergen.
Pıkır bıldıruşılerdıŋ ışınde 7-synyp oquşysy Aibek Äbzelbek te bolǧan.
«Mektepke jaiau baryp, jaiau kelemız. Qosymşa sabaqtar deidı, basqa närselerge şaqyrtady. Barmasaŋ taǧy ūrsady. Barsaŋ taǧy bäle, barmasaŋ taǧy bäle. Būl äzırge eşteme emes, alaida qysta qiyn bolaiyn dep tūr. Öitkenı aiaq kiım şaq kelmeidı. Kemınde bır balaǧa 2 aiaq kiımnen kerek. Bızdıkı eşteme emes, üide 4 balamyz. Al keibıreuınde 7-8 bala bar. Sonda olardyŋ jaǧdaiy ne bolmaq?»— dedı jasöspırım.Jelı paidalanuşylaryn oquşy balanyŋ söileu mänerı täntı ettı.
«Qalai oiyn jinaqy aityp tūr? Bız bolsaq, sasqalaqtap ekı sözdıŋ basyn qosa almaimyz», «Taqyldap tūr eken», «Bolaşaq deputat qoi», «Däl osy baladai bızdıŋ Ükımet jarytyp söilei almaidy»,—dep pıkır bıldırdı qoldanuşylar.«Adyrna» tılşısı bır sättı Qaznette jūldyz bolǧan balamen tıldesıp, beinejazbanyŋ qalai taralǧanyn sūrady.
«Özım şok bolyp jürmın. Şyny kerek, būl video äleumettık jelıge kezdeisoq salyndy. Ony jükteu müldem oida joq bolatyn. Jaqynda ǧana tanysqan dos balam özınıŋ TikTok paraqşasyna salyp, bıraz qaralym jinap ülgerıptı. Qazır jan-jaqtan habarlasyp, baǧdarlamalarǧa şaqyryp jatyr»,—dedı Aibek.Aituynşa, tūrǧyndar kötergen mäsele BAQ betıne şyqqannan keiın bırden şeşılgen. Qazır Aibek Äbzelbek 21 jasta.
«äl-Farabi atyndaǧy Qazaq ūlttyq universitetınde bılım alamyn. Tarih fakultetınıŋ 4-şı kurs studentımın»,—dedı ol.
<View this post on Instagram
