AQŞ-ta 2019 jyly 14-şı nauryz künı äigılı TESLA elektromobilderınıŋ prezentasiiasy öttı. TESLA elektromobilderınıŋ prezentasiiasyna qazaqtyŋ qyzy Zäure Rozmat baryp qatysqan eken. Elon Masktyŋ elektromobilderı qazırgı uaqytta dünienıŋ ärbır elderıne ekologiialyq tazalyǧymen, quattylyǧymen, ünemdılıgımen tanymal bolyp tarap jatyr. Masktyŋ TESLA elektromobilderı kompaniiasyna ūlty qazaq, azamattyǧy amerikalyq Änuarbek İmanbaev aksioner eken. Ataqty Elon Mask bızdıŋ Qazaqstandy sol Änuarbek İmanbaev arqyly jaqsy tanidy eken. Qazaqtyŋ azamattary sonau «Mümkındıkter elı» AQŞ-ta da alpauyt kompaniialarǧa aksioner bolyp jür. Sonymen qatar būl azamat bızdıŋ Qazaqstan jaiynda Elon Masktı habardar etıp jürgen. TESLA elektromobilderınıŋ prezentasiiasy kezınde bızdıŋ qazaqtyŋ qyzy Elon Maskke bızdıŋ Qazaqstanǧa TESLA-nyŋ öndırıs oryndaryn aşu boiynşa ūsynys aitypty. Qandai batyr qyz!? Sonda Elon Mask: «Bız dünienıŋ köp elderıne özımızdıŋ SUPERCHARGER quatty stansiiasyn ornatyp jatyrmyz. Bolaşaqta Qazaqstanda da ornatamyz»,-dep jauap berıptı. Osyny estıp quanyp qaldym. Qūdai qalasa, Elon Mask özınıŋ stansiialaryn äkelıp salyp jatsa, investisiia tartyp jatsa būl ülken jetıstık. Elon Mask eşqaşan da beker aita salmasa kerek. Onyŋ qyzmetkerlerı Zäurege Elon özınıŋ aitqanyn qaşanda ıske asyrady dep tüiındeptı.
Negızı bızdıŋ tehnologiiaǧa qyzyǧatyn tehnokrat azamattar örkeniettı AQŞ, Japoniia, Germaniia, Oŋtüstık Koreia siiaqty elderge baryp, tehnologiiaǧa qatysty köp närse üirenıp, elge kelıp jaratyp jatsa qandai keremet bolar edı. Sondai örkeniettı elderge qydyryp, seruendep barǧannan, tehnologiiaǧa qatysty bır närse üirenemın dep barǧan bızdıŋ elge ülken olja alyp keledı. Būl qazırgı jastardyŋ enşısındegı dünie. Qazaq balasyna tehnologiia, ǧylym, öndırıs, örkeniet kerek, aǧaiyn...
Surette Elon Masktıŋ anasy
Bekbolat Qarjan
"Adyrna" ūlttyq portaly
