Almaty qalasy, Medeu audanynyŋ №2 audandyq sotynda emhana qyzmetkerlerıne qatysty asa ırı mölşerde jymqyru arqyly bötennıŋ mülkın ūrlady degen aiyp boiynşa qylmystyq ıs qaraldy, dep jazady "Adyrna" ūlttyq portaly BAQ.KZ-ke sılteme körsete otyryp.
Sotta belgılı bolǧandar, qylmysqa barlysy josparly türde qadam basqan. Anyǧyn aitsaq, qalalyq sottyŋ baspasöz qyzmetınıŋ mälımetınşe, 2015-2022 jyl aralyǧynda emhananyŋ bas därıgerı K. bas esepşı N. jäne kadr bölımınıŋ inspektory S.-men aldyn ala qylmystyq kelısım ornatady. Olar ıs jüzınde jūmys ıstemeitın 19 tūlǧany qyzmetke taǧaiyndau turaly būiryqtardy räsımdegen. Resmi türde räsımdelgen qyzmetkerlerdıŋ şottaryna ai saiyn eŋbekaqy jıberılıp otyrǧan. Qylmystyq äreketke barǧandardyŋ būl qarajatty öz qajettılıkterıne jūmsaǧany anyqtaldy.
K., S., N. qūqyqqa qaişy äreketterı arqyly memleketke 79 mln teŋgeden astam şyǧyn keltırdı.
Zalaldy öteu şaralaryn eskere otyryp, ekı tūlǧa 7 jyl merzımge şartty türde bas bostandyǧynan aiyryldy. S.-ǧa 5 jyl merzımge materialdyq-jauapty lauazymdardy atqaru qūqyǧynan aiyru türınde qosymşa jaza taǧaiyndaldy, N. 5 jyl merzımge buhgalterlık qyzmetpen ainalysu qūqyǧynan aiyryldy. Sot bas därıger K.-ǧa 7 jyl merzımge bas bostandyǧynan aiyru jazasyn taǧaiyndady, ol orta qauıpsızdık QAJ mekemesınde jazasyn öteitın bolady. Sondai-aq memlekettık qyzmette qyzmet atqaru qūqyǧynan ömır boiyna aiyryldy, - delıngen sot ükımınde.Sot ükımı zaŋdy küşıne engen joq.
"Adyrna" ūlttyq portaly
Ūqsas jaŋalyqtar
