«Qazaqstan injiniring» ŪK» AQ jaŋǧyrtylǧan «Şaǧala-M» ūşqyşsyz ūşatyn apparatyn synaqtan sättı ötkızdı, dep habarlaidy "Adyrna" portaly QR İndustriia ministrlıgınıŋ baspasöz qyzmetıne sılteme jasap.
Jaŋartu kezınde qūrylǧynyŋ taktikalyq jäne tehnikalyq sipattamalary jaqsardy, atap aitqanda: onyŋ jyldamdyǧy, biıktıgı jäne ūşu qaşyqtyǧy.
«Qazaqstan injiniring» AQ basqarma töraǧasy Temırjan Äbdırahmanov ūşqyşsyz ūşu apparatynyŋ keŋınen qoldanylatynyn, ony ızdestıru-qūtqaru jūmystarynda tıkūşaqpen emes, mūnai qūbyrlaryn, gaz qūbyrlaryn jäne elektr jelılerın baqylau üşın jäne tötenşe jaǧdai kezındegı bailanys jäne baqylau üşın qadaǧalauşy retınde paidalanuǧa bolatynyn atap öttı.
«Artyqşylyǧy Şaǧala-M-ge ūşu-qonu jolaǧy qajet emes. Qūny şeteldık analogtarǧa qaraǧanda arzanyraq. Önımdı ötkızu üşın sertifikattar – ST-KZ, önerkäsıptık sertifikat jäne säikes patent alyndy», - dedı «R&D Center Kazakhstan Engineering» JŞS bas direktory Ǧani Baiseiıtov.
2023 jyly QR İndustriia ministrlıgı Qazaqstan Respublikasynyŋ äue keŋıstıgınde ūşqyşsyz ūşatyn apparattardy paidalanu qaǧidalaryn äzırledı. Ol äue keŋıstıgın paidalanu tärtıbın ǧana emes, sonymen qatar ūşqyşsyz ūşu apparattaryn esepke aludy, sanattaudy jäne olarǧa rūqsat berudı de retteuge tiıs.
Öz kezegınde «Qazaqstan injiniring» aviasiialyq oqu ortalyǧynyŋ bazasynda azamattyq drondar men kopterlerdıŋ qauıpsız jäne tiımdı jūmys ısteuın qamtamasyz etu üşın ūşqyştar men mehanikterdı daiarlau baǧdarlamasyn ıske qosady.
"Adyrna" ūlttyq portaly
