31 mamyrda Qyrǧyz Respublikasynyŋ Parlamentı «Memlekettık tıl turaly» zaŋ jobasyn üşınşı oqylymda qabyldaǧan bolatyn. Qūjatta barlyq memlekettık jäne munisipaldyq qyzmetkerlerdı memlekettık (qyrǧyz) tılın bıluge jäne tiıstı emtihandardy tapsyruǧa mındetteletını jazylǧan. Osyǧan qatysty Resei syrtqy ıster ministrlıgı jauap berdı, dep jazady "Adyrna". Resmi jauap ministrlıktıŋ saitynda jariialandy.
"Bızdıŋ bıluımızşe, «Qyrǧyz Respublikasyndaǧy memlekettık tıl turaly» zaŋ jobasy sonau 2021 jyly talqylauǧa ūsynylǧan, sodan keiın onyŋ bastapqy nūsqasy qyrǧyz qoǧamynda, onyŋ ışınde orystıldı tūrǧyndar tarapynan da syni pıkırlerge ūlasty. Keiınnen qūjat pysyqtalyp, oǧan būryn jetıspeitın normalar, mysaly, barlyq etnostarǧa ana tılın saqtau men damytu kepıldıgı turaly erejeler engızıldı. Sonymen bırge, zaŋ jobasynda memlekettık tıldı bılmeu negızınde azamattardyŋ qūqyqtary men bostandyqtaryna qol sūǧuǧa jol bermeu turaly norma engızılmegen.
Zaŋ qazırgı türınde respublikanyŋ qyrǧyz tılın bılmeitın azamattary üşın belgılı bır qiyndyqtar tuǧyzuy mümkın. Bız qyrǧyz azamattarynyŋ nazaryn zaŋnyŋ qabyldanuy tituldyq emes halyqtyŋ, onyŋ ışınde bızdıŋ otandastarymyzdyŋ qūqyqtaryna qatysty jaǧdaiǧa jaǧymsyz äser etuı mümkın ekenıne bırneşe ret eskertu jasadyq.
Ärıptester zaŋ jobasy orys tılın joiudy maqsat etpeitınıne sendırdı. Osyǧan bailanysty Qyrǧyz Respublikasynyŋ basşylyǧy odaqtastyq qarym-qatynastar negızınde qyrǧyz tılın damytuǧa da, konstitusiialyq märtebege ie orys tılın qoldauǧa jäne Qyrǧyzstandaǧy resmi tıl jäne Täuelsız Memleketter Dostastyǧy keŋıstıgındegı ūltaralyq qatynas tılın nasihattauǧa baǧyttalǧan teŋgerımdı tıl saiasatyn jürgızedı dep kütemız" delıngen Resei SIM resmi jauabynda.
Ūqsas jaŋalyqtar
