Onyŋ pıkırınşe, Nūrsūltan Nazarbaevtyŋ "Ūlt köşbasşysy" retınde märtebesı būǧan deiın anyqtalǧan, al qazırgısı sol zaŋnyŋ aiasynda jasalǧan tehnikalyq qadam ǧana.
"Ötken jyly jazda zaŋ qabyldandy. Qauıpsızdık keŋesı turaly zaŋ. Onyŋ töraǧasy bolyp Nūrsūltan Nazarbaev sailanǧan bolatyn. Onda da ömır baqilyqqa. Al konstitusiialyq organ bolyp tabylatyn būl keŋes bilıktıŋ barlyq tarmaǧyn baqylap, jönge keltırıp otyrady. Onyŋ sondai qūzıretı bar. Demek osyǧan deiın Qazaqstandy Nazarbaev basqarsa, endı Nazarbaev ūjymy basqarady",- deidı saiasattanuşy.
Ol būl jaittyŋ saiasi jüiege eleulı özgerıster äkele qoimaidy dep boljaidy.
"Zaŋ boiynşa prezident ökılettıgın toqtatsa, senat basşysy būl ıstı öz qolyna alady. Toqaevtyŋ uaqytşa prezident mındetın atqaruy, osy jaǧynan alǧanda, zaŋdy. Mūndaidy, mysaly İran täjıribesınen baiqauǧa bolady. Onda prezident emes, ruhani köşbasşy bärın basqarady. Sol sekıldı bızdegı bilıktıŋ tızgını endı prezidentte emes, ūlt köşbasşysynda bolady", - deidı ol.
Al qazır bosap qalǧan prezident kreslosynan saiasattanuşy Dariǧa Nazarbaevany köretının aitady.
"Soŋǧy kezderı Elbasy Dariǧa Nazarbaevany köptegen şeteldık saparynda bırge ertıp jürdı. Trampen de tanystyrdy. Menıŋşe, mūnyŋ bärı kezdeisoqtyq emes. Mümkın prezidenttıkke qyzy kelıp qalatyn şyǧar. Bolmasa uaqytşa taǧaiyndalǧan Toqaevtyŋ qaita sailanuy mümkın. Öitkenı ol şetel moiyndaǧan Elbasyǧa öte jaqyn adam", - deidı ol.
Aita ketsek, Qauıpsızdık keŋesı 1991 jyly el taǧdyryna bailanysty maŋyzdy mäseleler şeşıletın konsultativtı-keŋesşı organ bolyp qūrylǧan. Ol 1993 jyly QR Qauıpsızdık keŋesı bolyp qaita qūryldy. Al 2018 jyly 31 mamyrda qabyldanǧan zaŋǧa säikes, Qauıpsızdık keŋesınıŋ märtebesı qaita qaralyp, ol konsultativtı-keŋesşı organnan konstitusiialyq organǧa ainaldy. Onyŋ ömırbaqi töraǧasy bolyp Nūrsūltan Nazarbaev bekıtılgen.
