Parlament mäjılısınıŋ deputaty Bekbolat Tıleuhan memleket basşysy Qasym-Jomart Toqaevtyŋ Astana qalasynyŋ atauyn özgertu turaly ūsynysyna qatysty pıkır bıldırdı. Būl tarihi ärı ädıl şeşım, dep baǧa berdı deputat.
Öz sözınde Bekbolat Tıleuhan memleket basşysynyŋ ūsynysyn qoldaitynyn aitty. Ol Qasym-Jomart Toqaevtyŋ jasaǧan ūsynysynyŋ bärı aqylǧa qonymdy ekenın atap öttı, dep habarlaidy Sputnik Qazaqstanǧa sılteme jasap Stan.kz.
«Men özımdı qaşannan berı Nūrsūltan qalasynyŋ tūrǧyny retınde sezınıp jürgenmın. Jalpy būl tarihi jäne öte ädıl şeşım. Bız zaŋǧa baǧynǧan saiasattyŋ adamymyz. Ärine, zaŋ boiynşa, ışkı erejemız boiynşa jürudı mındet dep esepteimın.
Elbasy qandai qūrmet jasasaq ta, oǧan laiyq dep bılemın. Elbasynyŋ baǧytyn qaşannan berı qoldaǧan ärıptes retınde, qazaq balasy retınde mūny qoldaimyn», - deidı Tıleuhan.
Sonymen qatar mäjılıs deputaty elımızdıŋ jaŋa prezidentı halyq aldynda bergen atyna berık bolatynyna kümändanbaitynyn jetkızdı. Bekbolat Tıleuhan Toqaevtyŋ Qazaqstannyŋ qalyptasuyna özındık ülesın qosqan saiasi tūlǧa ekenın atap öttı.
«Sondyqtan antyna, uädesıne berık bolatynyna kümänım joq», - deidı deputat.
Aita ketsek, bügın prezident atanǧan Qasym-Jomart Toqaev Astana qalasynyŋ atauyn Nūrsūltan dep özgertudı ūsyndy.
Stan.kz
