Syr öŋırındegı jūmyssyzdyq deŋgeiı 4,9 paiyz boldy. Būl turaly oblys äkımı Nūrlybek Nälıbaev Astana qalasyndaǧy Ortalyq kommunikasiialar qyzmetınde ötken brifingte aitty.
«Halyqty jūmyspen qamtu, jaŋa jūmys oryndaryn aşu – basty mındetterımızdıŋ bırı. Prezidenttıŋ 10 myŋ adamǧa 100 jaŋa jūmys ornyn qūru tapsyrmasyna säikes byltyr öŋırde 12 myŋnan astam jūmys orny qūrylyp, jyldyq jospar 263 paiyzǧa oryndaldy. Osynyŋ nätijesınde, jalpy jūmyssyzdyq deŋgeiı 4,9 paiyz, jastar arasyndaǧy jūmyssyzdyq 4 paiyzǧa tömendedı», – dedı aimaq basşysy.Aita keteiık, biyl Qyzylorda oblysynda «Öŋırlık jūmyspen qamtu jol kartasy» bekıtılıp, körsetkıştı 4,8 paiyzǧa deiın tömendetu közdelgen.
«Bügıngı künge Öŋırlık kartadaǧy jospardyŋ 43,3 paiyzǧa oryndaluyna qol jetkızdık, iaǧni 19 myŋ jūmys orny qūryldy. Onyŋ ışınde tūraqtysy – 6952 nemese 36,6%, uaqytşasy – 12055 nemese 63,4%, 16 myŋǧa juyǧy – jaŋa jūmys oryndary», – dedı Nūrlybek Maşbekūly.
