Pavlodar men Petropavl äkımdıkterınıŋ ökılderı qala atauyn özgertu turaly ūsynysqa qatysty pıkır bıldırdı, - dep habarlaidy Tengrinews.kz tılşısı.
SQO äkımdıgınıŋ ökılderı Petropavl qalasynyŋ atauyn özgertudı josparlap otyrmaǧanyn atap öttı. "Qazırgı uaqytta BAQ-ta jäne äleumettık jelılerde Soltüstık Qazaqstan oblysynyŋ ortalyǧyn jäne elımızdıŋ basqa da qalarynyŋ atauyn özgertu mäselesı talqylanyp jatyr. Resmi türde habarlaimyz, bügınde SQO äkımdıgı Petropavl qalasynyŋ atauyn özgertudı josparlap otyrǧan joq", - dedı Soltüstık Qazaqstan oblysy äkımdıgı baspasöz qyzmetınıŋ ökılderı.
Pavlodar qalasynyŋ atauyn Kenesary dep özgertudı äkımdık ökılderı "jeke adamnyŋ pıkırı" dep baǧalady. "Būl özgertu turaly ūsynys jasaǧan jeke adamnyŋ pıkırı. Bügınde Pavlodar atauyn özgertu mäselesı qarastyrylyp jatqan joq. Äkımdıkte eşqandai bastama köterılgen emes", - dedı Pavlodar oblysy äkımdıgı baspasöz qyzmetınıŋ ökılderı.
Eske salaiyq, osyǧan deiın "Qazaqstan-2050" Demokratiialyq küşterdıŋ jalpyūlttyq koalisiiasynyŋ otyrysynda "Aq jol" demokratiialyq partiiasy töraǧasynyŋ orynbasary Qazybek İsa qala atauyn özgertu turaly ūsynys bıldırgen edı. "Qazaqstan elordasyna Elbasynyŋ esımın bere otyryp, bız osy oqiǧaǧa basqa da ataulardy jalǧastyruymyz kerek. Petropavlǧa Abylai hannyŋ esımın beru qajet, ol öz uaqytynda özınıŋ ordasyn tıgıp, üş jüzdıŋ basyn qosty. Pavlodarǧa öz halqynyŋ täuelsızdıgı üşın küresken qazaqtardyŋ soŋǧy hany Kenesary esımın beru qajet. Būryn Alaş (Semei) dep atalatyn qalaǧa Alaşorda ükımetınıŋ töraǧasy Älihan Bökeihanovtyŋ atyn beru kerek", - dedı Qazbek İsa.
Qazaqstan Prezidentı Qasym-Jomart Toqaev 20 nauryzda Astana atauyn özgertu turaly ūsynys tastady. 23 nauryzda resmi türde Astananyŋ Nūr-Sūltan bolyp özgergenı turaly Qauly şyqty.
Naryn Qali
