Qoǧamda mümkındıgı şekteulı azamattardy müsırkei qarau qalypty jaǧdaiǧa ainalǧan. Alaida atalǧan sanattaǧy azamattar qoǧamǧa masyl bolmai, öz mäselesın özı şeşkendı jön köredı. Būl Taraz qalasy mäslihatynyŋ deputaty ärı "Mügedekterdıŋ jastar qoǧamy" qoǧamdyq bırlestıgınıŋ töraiymy Äigerım Däuletbaevanyŋ pıkırı.
Äigerım Däuletbaevanyŋ özı mümkındıgı şekteulı azamattardyŋ sanatyna jatady. Alaida ol mügedekpın dep qarap otyrmai, özımen taǧdyrlas jandarǧa qol ūşyn berıp jür.
«Qazır negızınen sailau okrugyma qatysty adamdar jiı keledı. Sondai-aq Taraz qalasyndaǧy mümkındıgı şekteulı azamattardyŋ bärı maǧan kelıp, mäselesın aityp jatady. Bıreuı zeinetketaqy alu medisinalyq tekseruden ötudı, endı bıreuı päter mäselesı boiynşa keledı. Men kün saiyn 3-4 adamdy qabyldap, mäselesın şeşuge tyrsamyn. «Balama mügedektık boiynşa järdemakqy tölemei jatyr» degen soŋ arnaiy mekemege habarlasyp, män-jaidy bıluge tyrsamyn. Şynymdy aitsam ondaǧy adamdarǧa jeksūran bolyp bıttım. Bıreuınıŋ mügedektık boiynşa zeinetaqysy, ekınşısınıŋ järdemaqy boiynşa mäselesı bolyp jatady. Taǧy bır adamdarǧa invataksi uaqyty kelmei, qiyndyq tudyrady. Osy jäne özge mäsele boiynşa kün saiyn habarlasyp, kömek sūraidy. Mıne, osyndai san myŋ mäselenı jauapty adamdarǧa jeke habarlasyp, şeşuge tyrsamyn. Är mäsele boiynşa deputattyq saual joldai beruge taǧy bolmaidy. Qazaqta «Oŋ qolyŋ bergendı sol qolyŋ körmesın» degen ädemı söz bar. Bıraz şarua ıstep jatyrmyz. Ony jūrtqa jariia etıp aita beru de dūrys emes. Mysaly osydan ekı ai būryn mūqtaj jandarǧa ekı qolarba syiladyq. Mümkındıgı şekteulı jandardyŋ mäselesınen bölek kündelıktı mäselerge de nazar audaryp tūramyn. Mysaly jol salu sekıldı kündelıktı tūrmystyq dünielerge män beruge tyrsamyn», – deidı deputat.Äigerım Däuletbaeva köpbalaly otbasylarǧa berıletın jeŋıldık mümkındıgı şekteulı azamattarǧa berılmegenıne narazy.
«Mäselen köpbalaly analarǧa päter alu üşın ipotekalyq sertifikat berıledı. Al oblystyq mäslihat mügedektıgı bar azamattarǧa berıletın jeŋıldıktı alyp tastapty. Osydan keiın «Ne üşın menıŋ qyzdarym ipoteka arqyly päter ala almaidy?» dep mäsele köterdım. 10-20 jyl boiy bıreudıŋ päterıne aqşa tölep arendada tūrǧanşa, ipotekaǧa päter alyp, özınıŋ üiıne aqşa tölesın. Päter alu üşın kezektı sarylyp kütkenşe şamasy kelgen adamdar ipotekaǧa päter alsyn. Ol üşın köpbalaly otbasylarǧa berıletın sertifikatty mümkındıgı şekteulı adamdarǧa da beru kerek. Būl şeşımdı 2022 jyly oblystyq mäslihat özgertıp, mügedektıgı bar adamdardy atalǧan tızımnen alyp tastapty. Qazır oblystyq mäslihattyŋ töraǧasyna «Mügedektıgı bar adamdardy nege tızımnen alyp tastadyŋyzdar? Qaitadan tızımge qosyŋyzdar» dep hat jazdym. Päter üşın berıletın sertifikatty nege mügedekterge bermeidı? Joq, älde, mümkındıgı şekteulı azamattar ipotekaǧa päter alyp, ony tölei almaidy dep oilai ma? Qazır menıŋ qyzdarym ipotekaǧa päter alyp, özı tölegısı keledı. Mysaly bır qyzym Taraz qalasyndaǧy 15 möltek audanynan päter alamyn dep otyr», – deidı ol.Äigerım Däuletbaevanyŋ sözıne qarasaq, mümkındıgı şekteulı azamattar ükımetke alaqan jaimai, öz betınşe äreket etkısı keledı.
