30 jyl būryn...
Almatydan Narynqolǧa şyqqan jolauşylar avtobusy Şelektıŋ ashanasyna tūmsyǧyn tırei toqtady.
-Ekı saǧattan keiın kelemın,-dedı şopyrymyz, -Jaqsylap tamaqtanyp, äjethanaǧa baryp alyŋdar! Jol alys!
Onyŋ aitqany-zaŋ! Otyz şaqty jolauşy topyrlap ashanaǧa bettedık. Aramyzda äskerden üiıne qaityp bara jatqan jas jıgıt bar edı, sol kimelep bırınşı kırıp kettı. Eldıŋ dämın äbden saǧynyp-aq qalǧan eken, alǧan tamaǧy sūmdyq endı. Ūiǧyrdyŋ laǧmany, özbektıŋ palauy, qazaqtyŋ quyrdaǧy degendei...Äiteuır, tauysty. Tıptı salatqa deiın tyqyrlatyp jep qoidy.
...Avtobusymyz Kökpektıŋ jazyǧyna şyǧa bere soldattan bereke kettı. Älsın-älsın şopyrǧa baryp, qūlaǧyna sybyrlaidy. Ol basyn şaiqaidy. Baiqūs bala bozaryp, terlep kettı. Tüsındım. Baǧanaǧy jegen asta-tök tamaq endı asqazandy qinap jatyr. Obal-ai! Myna jazyq dala bıtken jerde ornalasqan Aqsai auylyna deiın älı qyryq şaqyrym bar. Oǧan jetkenşe...
Soldat aqyry şydamady. Şopyrdy jeŋınen jūlqyp avtobusty toqtatty da jügıre jöneldı. Otyz jolauşy qarap otyrmyz. Jyldamyn-ai, bır kezde kışkentai qara noqatqa ainalyp, joq boldy. Ülgerse eken! Tıleuın tılep, myna jaqta bız qaldyq...
30 jyl ötken soŋ...
...Taǧy da sol Kökpektıŋ jazyǧymen yzǧytyp kelemız. Auylǧa, Narynqolǧa bet aldyq. Ärı-berı aǧylǧan mäşine köp. Bırazy turister sekıldı. Mäşinelerıne üişık tırkep alǧandardyŋ qarasy tıptı mol. Velosipedpen ketıp bara jatqandardy da kördık. Şeteldıkter eken!
-Mynalar Şarynǧa ketıp bara jatqandar!-dedı rölde otyrǧan Bötek dosym, -Ary qarai Kölsaiǧa da ötuı mümkın. Şükır, täulsızdıktıŋ arqasynda mūny da kördık.
Täubeşıl dosymnyŋ sözıne men de qanattanyp qaldym. Mynalar qūr barmaidy ǧoi! Elge aqşa tüsedı. Turizm!
Aqsaiǧa kıre bere Bötek kılt toqtady.
-Boi jazyp, äjethanaǧa baryp alaiyq! Ary qarai Kegenge deiın toqtamaimyn!-dedı ol baiaǧy şopyrdyŋ äŋgımesın eske tüsırıp. "Qoidan juas" bolyp mäşineden tüsıp jatyrmyz. Äjethana jaqqa ketken Bökem bır kezde kelıp tūr.
-Sūmdyq qoi!-deidı ol kürsınıp, -Mynadai toǧyz joldyŋ torabyna otyz jylda bır denı dūrys äjethana salyp qoiuǧa bolar edı ǧoi! Anau kele jatqan şeteldıkterden ūiat boldy-au!
...Dosym tömen qarady. Jüzınde jaŋaǧy täubenıŋ ızı de qalmapty.Nege ekenın menıŋ esıme otyz jyl būrynǧy soldattyŋ oralǧany... En dalada ışın ūstap jügırıp barady...
Arman Sqabylūly
