Qazaqstannan bosqyn märtebesın ala almaǧan Şyŋjaŋ qazaǧy Qairat Erlıbek Türkiia aumaǧyna öttı. Būl turaly qūqyq qorǧauşy, "Halyqaralyq qūqyqtyq bastama" ūiymynyŋ jetekşısı Aina Şormanbaeva Facebook paraqşasyna jazdy, dep habarlaidy “Adyrna” ūlttyq portaly.
Būǧan deiın Qazaqstannan Türkiiaǧa ūşyp barǧan Qairat Erlıbek özın äuejaidan ärı qarai ötkızbei tūrǧanyn habarlap, kömek sūraǧan edı.
Keşeden berı men Şyŋjaŋdaǧy etnikalyq qazaq Qairat Erlıbektı Türkiiadan deportasiialauǧa jol bermeu üşın şūǧyl ıspen ainalysyp jatyrmyn. Ol keşe Ystambūlǧa ūşyp ketken, bıraq elge kırgızbei, Almatyǧa qaitaru turaly habarlama bergen.
Qairattyŋ tölqūjaty joq, jol jüru qūjaty ǧana bar. Şyŋjaŋdaǧy köp qazaqtar men ūiǧyrlar siiaqty ol da halyqaralyq qorǧauǧa ie bolady dep ümıttenemız. Endı jaqsy jaŋalyq aldyq – ol Türkiiaǧa jıberıldı! Būl BŪŪ-daǧy ärıptester men diplomatiialyq missiialardyŋ kömegımen boldy. Qairattyŋ deportasiialanbauyna kömekteskenderdıŋ barlyǧyna myŋ alǧys. Bız onyŋ ısımen jūmysty jalǧastyramyz, - dep jazdy Aina Şormanbaeva.
