Bügın, 15 mausymda Şyǧys Qazaqstan oblysynyŋ qazırgı äkımı Danial Ahmetovtıŋ ökılettık merzımı aiaqtalady. Ol bügın 69 jasqa toldy. Al 16 mausymda Şyǧys Qazaqstan oblysy äkımınıŋ kandidaturasyn bekıtu üşın oblystyq mäslihat deputattarynyŋ jiyny ötedı, dep habarlaidy “Adyrna” ūlttyq portaly.
Danial Ahmetov būl qyzmettı 2014 jyldan berı atqaryp keledı.
«Oblys aumaǧynda ornalasqan mäslihattar nemese respublikalyq maŋyzy bar qalalar mäslihattary deputattarynyŋ kelısım beru qaǧidalaryn bekıtu turaly» Qazaqstan Respublikasy Prezidentınıŋ 2022 jylǧy 8 mausymdaǧy № 912 Jarlyǧyna säikes jäne oblys, respublikalyq maŋyzy bar qala jäne astana äkımın taǧaiyndau jönındegı» Şyǧys Qazaqstan oblysynyŋ aumaǧynda ornalasqan mäslihattar deputattarynyŋ jinalysy Şyǧys Qazaqstan oblysynyŋ äkımın taǧaiyndauǧa kelısım beredı, 2023 jylǧy 16 mausymda saǧat 10:30-da Öskemen qalasy, Qazaqstan köşesı, 55 (S. Amanjolov atyndaǧy ŞQ 5 korpusy) mekenjaiynda ötedı, - delıngen habarlamada.
Sonymen qatar, bügın Danial Ahmetov 69 jasqa tolyp otyr.
«ENDI BASQA JŪMYSQA EMES, ZEINETKE KETKENI DŪRYS»
Belgılı rejisser, oppozisiia belsendısı Erkın Raqyşev äkımnıŋ tuǧan künın qūttyqtai otyra, ony zeinetke jıberu kerek dedı.
Danial Ahmetov aǧamyzdy tuǧan künımen qūttyqtaimyz. Ökılettı merzımı de bıtıp jatyr eken. Endı ol kısı basqa jūmysqa emes, zeinetke ketkenı dūrys. Ol özıne paidaly bolady. Nege?
Qazır zaŋsyz şetelge şyqqan dünie-mülıkterdı qaitaru kerek degen zaŋ şyǧyp jatyr. Aldymen, būl ırı biznesmenderge qatysy bolǧanymen, ekınşı bır ūşy äkımderge de qatysty. Sondyqtan Ahmetovtıŋ de qylmysqa qatysy bar ma ekenın anyqtau qajet. Keiın qylmysty bolyp jatsa, demalmai jūmys ıstegenıne ökınıp qalady. Sebebı, ol sanaly ǧūmyryn “mafiiaǧa” qyzmet etuge arnady. Mäjbürlı türde Nazarbaevtyŋ talai zaŋsyz būiryqtaryn oryndady, - dedı Erkın Raqyşev.
«BERDIBEK SAPARBAEVPEN TAǦDYRY BIRDEI»
Al qoǧam belsendısı, saiasatker Janūzaq Äkım Danial Ahmetovtyŋ elge sıŋgen eŋbegı köp deidı.
Būl kısı turaly qoǧamda köp äŋgıme bolyp jür. Bıraq, ol täjıribelı adam. Sodan keiın avtoritarlyq jüienıŋ jäne şaruaşylyqtyŋ adamy.
Būl Ridderdı Altai dep özgerttı. Al şaruaşylyq jaǧyna beiım. Ükımetke de köp jūmys ıstedı. 90-jyldary men äkım bolǧan kezımde, ol premerdıŋ bırınşı orynbasary boldy. Sol jyldary “şegırtkenıŋ qūtyrǧan” qiyn kezderı boldy. Ol kezde Danial Ahmetov nätijelı jūmys ıstedı. Jaŋa öndırıs aşuda köp kömegı tidı. Ekonomikadan jaqsy tüsınedı. Bıraq, zamanynan qalyp qoidy. Degenmen, otbasy bırınşı prezidenttıŋ otbasysy siiaqty körıngen zatty jekeşelendırıp, Qytaimen bailanysuda. Mūndai qatelıkterı de bar.
Būl kısı Berdıbek Saparbaevqa ūqsas. Taǧdyry bırdei. Ekeuı de ömır boiy jūmyspen kele jatyr”,- dedı Janūzaq Äkım.
