«Qazaqstan barysyn» ötkızuge bölıngen 1 mlrd teŋgenıŋ jūmsalu zaŋdylyǧy tekserılıp jatyr. Būl turaly Qarjy monitoringı agenttınıŋ Almaty qalasy boiynşa departamentı aitty, dep habarlaidy «Adyrna» tılşısı.
Basqarmanyŋ mälımdeuınşe, qazırgı taŋda basşylardan, merdıger ökılderınen jauap alu, tıntu jäne qūjattardy aludy qamtityn tergeu äreketterı jürgızılude.
«QMA Almaty qalasy boiynşa departamentı sotqa deiıngı tergeu aiasynda «Qazaqstan barysy» qazaq küresınen turnir ötkızuge bölıngen 1,075 mlrd teŋge biudjet qarajatynyŋ jūmsalu zaŋdylyǧyn tekserıp jatyr. Tergeu müddesın közdeitın basqa aqparat jariia etuge jatpaidy»,—delıngen habarlamada.
Aita keteiık, «Qazaqstan barysy» 2011 jyldan berı ötkızılıp keledı. Turnirdı Qazaqstan Barysy qory men Qazaq kuresi Assosiasiiasy ūiymdastyrady.
Ūqsas jaŋalyqtar
