Ukrainada prezident sailauy ötıp jatyr

31.03.2019

2933

https://adyrna.kz/content/uploads/2019/03/saj.jpg

Nauryzdyŋ 31-ı künı Ukrainada prezident sailauy bastaldy. Ortalyq sailau komissiiasy prezidenttıkten ümıtker 39 azamatty tırkegen. Būl - būryn-soŋdy bolmaǧan joǧary körsetkış. Reseide sailau uchaskelerı bolmaǧandyqtan ekı oblys tūrǧyndary Nūr-Sūltanǧa baryp, dauys beredı.
Ukrainada azamattar Kiev uaqytymen taŋǧy saǧat 8-den bastap dauys bere bastady. Elde aşylǧan 30 myŋ sailau uchaskesı keşkı saǧat 8-ge deiın ısteidı. Resei anneksiialap alǧan Qyrym men Kievke baǧynbaityn Donbastaǧy aumaq tūrǧyndary dauys beru üşın özderıne jaqyn sailau uchaskelerıne baruy tiıs.

Ukrainanyŋ ışkı ıster ministrı Arsen Avakov būǧan deiın Kievke qaraityn sailau uchaskelerın 130 myŋnan astam polisiia qyzmetkerı küzetetının habarlaǧan.

Ukrainanyŋ ortalyq sailau komissiiasy 17 el jäne 19 halyqaralyq ūiymnan kelgen şamamen 2400 halyqaralyq baqylauşyny tırkegen. Bıraq olardyŋ arasynda Resei azamattary joq. Joǧary rada būǧan deiın Reseidı "agressor memleket" retınde tanyp, sailaudy baqylau mümkındıgınen aiyrǧan.

QAZAQSTANDAǦY SAILAU UChASKESI

Būǧan deiın Kiev Reseide sailau uchaskelerı de bolmaitynyn habarlaǧan.

Sol sebeptı Reseidıŋ ekı oblysy Novosıbır jäne Sverdlov oblysynyŋ tūrǧyndary Qazaqstan astanasy Nūr-Sūltan qalasyndaǧy Ukraina elşılıgınde dauys beredı.

"Resei aumaǧynda sailau uchaskesı bolmaǧandyqtan ondaǧy Novosibirskı jäne Sverdlov oblysy da bızdıŋ uchaskege qosylǧan" dedı Nūr-Sūltan qalasyndaǧy sailau uchaskesınıŋ töraǧasy Vitalii Loktev 31 nauryzda Azattyq tılşısıne.

Nūr-Sūltandaǧy sailau uchaskesı. 31 nauryz 2019 jyl.

Onyŋ aituynşa, dauys beruge qūqyǧy bar Qazaqstan boiynşa - myŋnan astam adam, al Resei boiynşa üş myŋnan astam adam tırkelgen. Tüskı saǧat 11-ge deiın 33 adam dauys bergen. Būl - Qazaqstan boiynşa jūmys ıstep jatqan jalǧyz sailau uchaskesı. Bügın ol jaqqa kelgen azamattar arasynda Almaty, Semei, Petropavldan kelgender bolǧan.

Resei 2014 jyly Ukraina qūramyndaǧy Qyrym tübegın anneksiialap alǧannan keiın ekı el arasyndaǧy jaǧdai kürt naşarlaǧan. Sol jyly säuırde Donesk men Lugansk oblystarynda reseişıl separatister men Ukraina äskerı arasynda soǧys bastalǧan. Qaqtyǧystardan 10 myŋnan astam adam qaza tapqan. Kiev Mäskeudı reseişıl separatisterdı qoldap otyr dep aiyptaidy. Bıraq Mäskeu ony joqqa şyǧarady. 2015 jyly aqpanda Minskıde qaqtyǧysty toqtatu jönınde kelısım jasalǧanymen, ol älı künge tolyq oryndalmai keledı.

Ukrainadaǧy prezident sailauyna tüsetın jalpy kandidattar sany – 39. Olardyŋ arasynda şoumen Vladimir Zelenskii, qazırgı prezident Petr Poroşenko men oppozisiialyq "Batkivşina" partiiasynyŋ liderı Iýliia Timoşenko bar.

Äleumettık zertteu halyqtyŋ kandidattar arasynda akter Vladimir Zelenskiidı köbırek qoldaitynyn (20,3%) körsetken. Odan keiın "Batkivşina" partiiasynyŋ jetekşısı, būrynǧy premer-ministr Iýliia Timoşenko (13,9%), qazırgı prezident Petr Poroşenko (13,1%) tūr.

Eger ümıtkerlerdıŋ eşqaisysy sailauşylardyŋ 50 paiyzdan astam dauysyna ie bola almasa, onda sailaudyŋ ekınşı kezeŋı ötedı. Oǧan alǧaşqy kezeŋde köbırek dauys jinaǧan ekı kandidat qatysady. Saiasattanuşylar sailaudyŋ ekınşı kezeŋı ötuı mümkın dep sanaidy.

Osymen Ukrainada jetınşı ret prezident sailauy ötıp jatyr.
"Azattyq" radiosy