Qazaqstanda turizmdı damytuǧa bölıngen 73 million teŋge «Qazaqstan aruy-2019» baiqauyn ötkızuge jūmsalǧan

Elımızdegı turizmdı damytuǧa bölıngen qarajat "Qazaqstan aruy-2019" baiqauyn ötkızuge jūmsalǧan. Onda da baqandai 73 million teŋgeden astam qarjy konkursqa qatysatyn arulardy ırıktep aluǧa ǧana ketken. Mūndai qyzyq derek qazyna qarjysynyŋ qalai jūmsalyp jatqany baqylaityn Esep komitetınıŋ otyrysynda aityldy. Qazaqstanda turizmdı damytuǧa bölıngen 73 million teŋge «Qazaqstan aruy-2019» baiqauyn ötkızuge jūmsalǧan. Osylaişa, halyqtyŋ salyǧynan tüsken qarjyny qūzyrly organ ökılderı özımbılermendıkke salyp, maqsatsyz jūmsapty. Degenmen, olar ketken qarjyny qazaqtyŋ sūlu qyzdaryn köru üşın keletın qytailyq jäne ündıstandyq turisterdıŋ esebınen qaitaryp alamyz dep aqtalǧan, dep habarlaidy "Euraziia bırınşı arnasy". Biyl ötetın osy baiqaudyŋ tek ırıkteu kezeŋıne ǧana qazynadan 73 million 200 myŋ teŋge qarjy jūmsalyp otyr. Būl tek bastapqy şyǧyn. Ary qarai taǧy qanşa qarajat qajet ekenın döp basyp aitu qiyn, äzırge. Al, jospar boiynşa būl aqşa elımızge turister tartu maqsatynda ūiymdastyrylatyn 5 investisiialyq forum men osynşa memorandum bekıtuge ketuı tiıs bolǧan. «Būl Turizm industriiasy komitetınıŋ qarajatty dūrys josparlamauynan tuyndap otyrǧan mäsele. Eldıŋ turistık äleuetın arttyru üşın şeteldık jäne otandyq investorlar, barlyǧy 250 adam qatysuy tiıs forumdar ötpegen. Onyŋ ornyna turizmge tük qatysy joq "Qazaqstan aruy " baiqauynyŋ ırıkteuın ūiymdastyrylǧan», - deidı respublikalyq biudjettıŋ atqaryluyn baqylau jönındegı esep komitetınıŋ müşesı Baqyt Jaqan. Al mädeniet jäne sport vise-ministrı sūlulyq baiqauynyŋ turizmge tıkelei qatysy bar deidı. Tıptı, şeteldık azamattar "qazaqtyŋ has sūlularyn körıp, taŋdai qaqqanynda tūrǧan ne bar?" - dep jauap berdı. «Bız turistık biznestı zerttei kele, būl baiqaudyŋ osy salaǧa tıkelei qatysy bar ekenın anyqtadyq. Osylaişa, bügınde qytailyq jäne ündılık turister osy baiqaudy asyǧa kütetıne köz jetkızdık. Sebebı, olardyŋ köbısı osy arular saiysyn ǧalamtor jäne teledidar arqyly tamaşalaidy eken. Kelıp körgısı keletınderı de köp. Ötken jyly ötken «Qazaqstan aruynda» Qytai men Ündıstannan 400 adam kelgen. Qazaq qyzdarynyŋ sūlulyǧymen şeteldıkterdıŋ tamsanuyn dūrys dep esepteimın», - deidı QR mädeniet jäne sport ministrınıŋ orynbasary Erlan Qojaǧapanov. Al qoǧam belsendılerı būndai saiystar qazaq qoǧamyna qonymsyz dünie ekenın aitady. Tıptı, būǧan memleket tarapynan qarjy jūmsaluynyŋ özı dūrys emes deidı. «Bırden-bır negızgı eŋ bır oŋtaily joly būl "Qazaqstan aruy" baiqauyn ötkızu emes. Oǧan keletın turisterdıŋ de sany asa köp bolady dep senuge bolmaidy. Jäi bır sondai jeŋıl oily adamdar qyzyqtauy mümkın. Ol bükıl älemnıŋ qanşa paiyzy ekenın qazır aitu qiyn. Degenmen köp adam ony qyzyq körmeidı», - deidı qoǧam belsendısı Quandyq Şamaqaiūly. Al qoǧam qairatkerlerı osyndai mädeni şaralarǧa investorlardy jūmyldyru qajettıgın aitady. Memlekettık qordan qarjy şyǧyndalmauy tiıs. Sonymen qatar, ūltymyzdyŋ ūlyqtylyǧy men tälım-tärbiesın nasihattau üşın "Qazaqstan aruy" baiqauynyŋ formatyn özgertken jön deidı.