Dondaǧy Rostov köşelerınde qaruly adamdar men tankter paida boldy. Bırqatar derekközderge säikes, būl Wagner PMC bölıkterı. Qala äkımdıgı tūrǧyndardy mümkındıgınşe üilerınen şyqpauǧa, kölıktı paidalanbauǧa şaqyruda, dep habarlaidy “Adyrna” ūlttyq portaly reseilık BAQ-qa sılteme jasap.
Bız Rostovty qorşap alyp, Mäskeuge baramyz, - dedı Evgenii Prigojin Rostovtaǧy Oŋtüstık äskeri okrugınıŋ ştab-päterınde Resei qorǧanys ministrınıŋ orynbasary Iýnus-Bek Evkurov jäne Bas ştab bastyǧynyŋ orynbasary Vladimir Alekseevpen kezdesuınde.
Sondai-aq, ol qaladaǧy barlyq äskeri nysandar, sonyŋ ışınde aerodrom jaldamalylardyŋ baqylauynda ekenın aitty.
Äzırge Resei bilıgı būl mälımdemenı resmi rastaǧan joq. Bıraq, Dmitrii Peskovtıŋ baspasöz hatşysy TASS aqparat agenttıgıne aitqandai, Vladimir Putin «jaqyn arada» ündeu jasauy kerek.
Conflict Intelligence Team jobasynyŋ jetekşısı Ruslan Leviev qalada vagneritter emes, Qorǧanys ministrlıgınıŋ äskeri qyzmetkerlerı tūrǧanyn aitady. Būl turaly da vedomstvo
Belgılı bolǧandai, senbı künı taŋerteŋ Voronejge qarai federaldyq tas joldyŋ boiymen äskeri tehnikalar kortejı jürıp kele jatqan. Jergılıktı aimaqtyq bilık tūrǧyndardy «jaǧdai baqylauda» dep sendırıp, sabyr saqtaudy sūrady. Qaladaǧy barlyq qoǧamdyq ıs-şaralar toqtatyldy.
Al, Mäskeu merı mälımdegendei, qalada laŋkestıkke qarsy şaralar jürgızılude.
Joldarda qosymşa baqylau engızıldı. Būqaralyq şaralardy ötkızudı şekteuge bolady, - dedı Sergei Sobianin tūrǧyndardan aqparatqa tüsınıstıkpen qaraudy sūrap.
Eske salaiyq, jūma künı Prigojin Reseidıŋ Ukrainada jeŋılıp jatqanyn, eldıŋ şyǧyny orasan ekenın, maidandaǧy jaǧdai turaly prezidenttı aldap jatqanyn aitty. Ol barlyq jauapkerşılıktı Qorǧanys ministrlıgınıŋ basşylyǧyna, jeke onyŋ basşysy Sergei Şoiguǧa jüktep, «Ädılet marşynyŋ» bastalǧanyn jariialady. Keiın Bas prokuratura Evgenii Prigojinge qarsy qaruly köterılıske şaqyru baby boiynşa qylmystyq ıs qozǧalǧanyn habarlady.